ഇസ്ലാമാബാദ്
അക്രമങ്ങൾക്കു മുന്നിൽ തല കുനിക്കില്ലെന്നും ഇസ്ലാമാബാദിലേക്കുള്ള ലോങ് മാർച്ച് മുൻ തീരുമാനപ്രകാരം തുടരുമെന്നും പാകിസ്ഥാൻ തെഹ്രീക് ഇ ഇൻസാഫ് (പിടിഐ) നേതാവ് ഇമ്രാൻ ഖാൻ.
പഞ്ചാബിലെ വസീറാബാദിൽവച്ച് വെടിയേറ്റ് ചികിത്സയിലുള്ള ഇമ്രാൻ ആശുപത്രിയിൽനിന്നാണ് പാർടി പ്രവർത്തകരെയും പൊതുജനത്തെയും അഭിസംബോധന ചെയ്തത്. തന്റെ കാലിൽ നാലുതവണ വെടിയേറ്റെന്നും അദ്ദേഹം പറഞ്ഞു. വ്യാഴാഴ്ച ഇമ്രാനെ അടിയന്തര ശസ്ത്രക്രിയക്ക് വിധേയനാക്കിയിരുന്നു.
