കാറിൽ ചാരിയതിന്‌ ചവിട്ട്‌; യുവാവിന്റെ ഡ്രൈവിങ്‌ ലൈസൻസ്‌ റദ്ദാക്കും

തലശേരി > കാറിൽ ചാരിനിന്നതിന് ആറുവയസ്സുകാരനെ ചവിട്ടിവീഴ്ത്തിയ യുവാവിന്റെ ഡ്രൈവിങ് ലൈസൻസ് റദ്ദാക്കാനുള്ള നടപടി മോട്ടോർവാഹനവകുപ്പ് ആരംഭിച്ചു. ലൈസൻസ് റദ്ദാക്കാതിരിക്കാൻ നേരിട്ട് ഹാജരായി കാരണം ബോധിപ്പിക്കാൻ കാറോടിച്ച പൊന്ന്യംപാലം മൻസാർ ഹൗസിൽ കെ മുഹമ്മദ് ശിഹ്ഷാദിന് നോട്ടീസ് നൽകിയതായി എൻഫോഴ്സ്മെന്റ് ആർടിഒ എ സി ഷീബ അറിയിച്ചു.