കൊല്ലം> കൊട്ടാരക്കരയില് യുവ അഭിഭാഷകന് വെടിയേറ്റു. കൊട്ടാരക്കര പുലമണ് സ്വദേശി മുകേഷിനാണ് (34) വെടിയേറ്റത്. ഇന്നലെ രാത്രി 11 മണിയോടെയായിരുന്നു സംഭവം.
നേരത്തെ മുതല് അയല്വാസികളായ പ്രൈം അലക്സും മുകേഷും തമ്മില് തര്ക്കം നിലനിന്നിരുന്നു. ഇന്നലെ വൈകീട്ടോടെ ഇരുവരും തമ്മില് വീണ്ടും തര്ക്കമുണ്ടായി. ഇതിനിടെ എയര്ഗണ് ഉപയോഗിച്ച് പ്രൈം, അഭിഭാഷകന് നേരെ വെടിയുതിര്ക്കുകയായിരുന്നു.
മുഖ്യപ്രതി പ്രൈം അലക്സ് ഉള്പ്പെടെ രണ്ടു പേര് പിടിയിലായതായാണ് റിപ്പോര്ട്ട്.മുകേഷിന്റെ തോളിനാണ് വെടിയേറ്റത്.
