ലിജോ ജോസ് പെല്ലിശ്ശേരി സംവിധാനം ചെയ്യുന്ന പുതിയ ചിത്രത്തില് മോഹന്ലാല് കേന്ദ്രകഥാപാത്രമാവുന്നു. മോഹന്ലാല് തന്നെയാണ് ഈ വിവരം ഔദ്യോഗികമായി സ്ഥിരീകരിച്ചത്. ഷിബു ബേബി ജോണ് ആണ് നിർമ്മാണം. ആന്ധ്രപ്രദേശായിരിക്കും സിനിമയുടെ പ്രധാന ലൊക്കേഷന്. കൂടുതല് വിവരങ്ങളൊന്നും ഇതുവരെ പുറത്ത് വന്നിട്ടില്ല. മമ്മൂട്ടിയെ നായകനാക്കി സംവിധാനം ചെയ്ത ‘നന്പകല് നേരത്ത് മയക്കം’ ആണ് ലിജോയുടെ ഏറ്റവും പുതിയ പ്രൊജക്ട്. കേരള രാജ്യാന്തര ചലച്ചിത്രമേളയില് മത്സരവിഭാഗത്തില് ചിത്രം പ്രദര്ശിപ്പിക്കും.
ഇരുവരുമൊത്തുള്ള സിനിമയ്ക്കായി കാത്തിരിക്കുന്ന എന്നാണ് പോസ്റ്റിന് വരുന്ന പ്രതികരണങ്ങൾ. ഏറെ പ്രതീക്ഷയുണ്ടെന്നും അത് തകരില്ല എന്നും ആരാധകർ കമന്റിലൂടെ അറിയിച്ചു. തന്റെ അടുത്ത പ്രോജക്റ്റ് ഇന്ത്യൻ സിനിമയിലെ ഏറ്റവും ആവേശകരവും കഴിവുറ്റതുമായ സംവിധായകരിൽ ഒരാളായ ലിജോ ജോസ് പെല്ലിശ്ശേരിക്കൊപ്പമായിരിക്കും എന്നായിരുന്നു മോഹൻലാൽ പോസ്റ്റ് പങ്കുവെച്ചുകൊണ്ട് കുറിച്ചത്.
കഴിഞ്ഞ ദിവസം ജോൺ ആൻഡ് മേരി ക്രിയേറ്റീവ് പ്രൊഡക്ഷൻസ് മോഹൻലാൽ-എൽജെപി സിനിമയേക്കുറിച്ചുള്ള ഔദ്യോഗിക പ്രഖ്യാപനം നടത്തിയിരുന്നു. ചിത്രത്തില് ചെമ്പോത്ത് സൈമണ്‍ എന്ന കഥാപാത്രത്തെയാകും മോഹന്ലാല് അവരിതരിപ്പിക്കുകയെന്നാണ് സോഷ്യല്‍ മീഡിയയില്‍ ചര്‍ച്ച സജീവമാകുന്നത്. എന്നാല്‍ ഇത് സംബന്ധിച്ച് പ്രഖ്യാപനം ഉണ്ടായിട്ടില്ല. ചിത്രത്തിന്റെ ഔദ്യോഗിക പ്രഖ്യാപനം ഉണ്ടായെങ്കില്‍ തന്നെ സിനിമയുടെ പേര് പുറത്ത് വിട്ടിട്ടില്ല. ഇത് സംബന്ധിച്ചും ചര്‍ച്ചകള്‍ സജീവമാണ്. ‘മലക്കോട്ട വാലിബന്‍’ എന്നാണ് സിനിമയ്ക്ക് പേര് നല്‍കിയിരിക്കുന്നതെന്നാണ് ചര്‍ച്ചകള്‍. ഒരു മിത്ത് പ്രമേയമാക്കി ഒരുങ്ങുന്ന പീരിയഡ് ഡ്രാമയാണ് ചിത്രമെന്നും മോഹന്ലാല് ഒരു ഗുസ്തിക്കാരനായാണ് എത്തുകയെന്നും സൂചനയുണ്ട്. ആന്ധ്രാപ്രദേശിന്റെ പശ്ചാത്തലത്തിലാണ് ചിത്രം ഒരുങ്ങുകയെന്നും റിപ്പോർട്ടുണ്ട്. ഷിബു ബേബി ജോണ് ആയിരിക്കും ചിത്രം നിര്‍മ്മിക്കുക. 2023 ജനുവരിയില്‍ സിനിമയുടെ ചിത്രീകരണം രാജസ്ഥാനില്‍ ആരംഭിക്കും.
‘എന്റെ അടുത്ത പ്രോജക്ട് ഇന്ത്യൻ സിനിമയിലെ ഏറ്റവും ആവേശമുള്ള കഴിവുള്ള സംവിധായകരിലൊരാളായ ലിജോ ജോസ് പെല്ലിശ്ശേരിക്കൊപ്പമായിരിക്കും എന്ന് അറിയിക്കുന്നതിൽ എനിക്ക് സന്തോഷമുണ്ട്. ജോൺ ആൻഡ് മേരി ക്രിയേറ്റീവ്, മാക്സ് ലാബ്സ്, സെഞ്ച്വറി ഫിലിംസ് എന്നിവർ ചേർന്നാണ് ഈ പ്രൊജക്ട് നിർമ്മിക്കുന്നത്’ എന്നാണ് മോഹൻലാൽ പറഞ്ഞിരിക്കുന്നത്.
ഇന്ദ്രോത്സവം മെൽബൺ – ഒക്ടോബർ 29 (ശനിയാഴ്ച്ച)
ഇന്ദ്രോത്സവം 2022 താരങ്ങൾക്ക് ഓസ്ട്രേലിയയിലേക്കു സ്വാഗതം.
ഇനി വരുന്ന ഒരാഴ്ചക്കാലം ഇന്ദ്രജിത് സുകുമാരൻ, രമേഷ് പിഷാരടി, അപർണ ബാലമുരളി തുടങ്ങി മലയാള സിനിമയിലെ ഒരുപിടി താരങ്ങൾ സിഡ്‌നി, മെൽബൺ, ബ്രിസ്‌ബേൻ എന്നിവിടങ്ങളിൽ മെഗാ സ്റ്റേജ് ഷോയുമായി നിങ്ങളുടെ മുന്നിലെത്തുന്നു.
ഷോയുടെ വിജയത്തിനായി നിങ്ങളോരോരുത്തരുടേയും സഹായസഹകരണങ്ങൾ അഭ്യർത്ഥിക്കുന്നു.
To book for indrolsavam melbourne show: https://www.trybooking.com/CCSXW
