മെൽബൺ> ട്വന്റി20 ക്രിക്കറ്റ് ലോകകപ്പിനായുള്ള യോഗ്യതാ മത്സരത്തിൽ ശ്രീലങ്കയ്ക്ക് നമീബിയയുടെ ഷോക്ക് ട്രീറ്റ്മെന്റ്. എ ഗ്രൂപ്പിലെ ആദ്യ യോഗ്യതാ മത്സരത്തിൽ ഏഷ്യന് ചാമ്പ്യന്മാരായ ശ്രീലങ്കയ്ക്കെതിരെ 55 റണ്സിന്റെ ആധികാരിക ജയമാണ് നമീബിയ നേടിയത്. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ നമീബിയ നിശ്ചിത ഓവറിൽ ഏഴു വിക്കറ്റ് നഷ്ടത്തിൽ 163 റൺസ് അടിച്ചെടുത്തു. മറുപടി ബാറ്റിങ്ങിനിറങ്ങിയ ശ്രീലങ്കയ്ക്ക് തുടക്കം മുതൽ പിഴച്ചു. 19 ഓവറില് 108ന് ടീം ഓള് ഔട്ട് ആയി.
ആദ്യ മത്സരത്തിലെ ഞെട്ടിക്കുന്ന തോൽവി സൂപ്പർ 12 ഘട്ടത്തിലേക്ക് യോഗ്യത നേടാനുള്ള ലങ്കയുടെ സാധ്യതകൾക്ക് കനത്ത് തിരിച്ചടിയാണ്. ഇനി യു എ ഇ, നെതർലൻഡ്സ് ടീമുകൾക്കെതിരെയാണ് യോഗ്യത റൗണ്ടിൽ ലങ്കയുടെ മത്സരങ്ങൾ.
