കൊച്ചി : സായിദ് ഖാൻ, സൊണാൽ മൊണ്ടെറോ എന്നിവർ പ്രധാന വേഷങ്ങളിൽ അഭിനയിക്കുന്ന “ബനാറസ്” നവംബർ നാലിന് കേരളത്തിൽ മുളകുപാടം റിലീസ് പ്രദർശനത്തിനെത്തിക്കുന്നു. ബനാറസ് ഒരു നിഗൂഢമായ പ്രണയകഥയാണ്, മോഷൻ പോസ്റ്ററും ആദ്യ രണ്ട് ഗാനങ്ങളും പുറത്തിറക്കിയിരുന്നു.
ഗായകൻ ജാസി ഗിഫ്റ്റിന്റെ ശബ്ദം പാർട്ടി മൂഡിനെ മനോഹരമാക്കുമ്പോൾ നടൻ സായിദ് ഖാന്റെ നൃത്തച്ചുവടുകൾ കാണികളെ ആവേശഭരിതമാക്കുന്നു. ജയതീർഥ സംവിധാനം ചെയ്യുന്ന “ബനാറസ്” മലയാളം തെലുങ്ക് തമിഴ് കന്നഡ, ഹിന്ദി എന്നീ അഞ്ച് ഭാഷകളിൽ
ഒരേ സമയം പാൻ ഇന്ത്യ റിലീസാണ്.
നാഷണൽ ഖാൻസ് പ്രൊഡക്ഷൻസിലൂടെ തിലക് രാജ് ബല്ലാൽ നിർമ്മിക്കുന്ന ചിത്രത്തിന്റെ ഛായാഗ്രഹണം അദ്വൈത ഗുരുമൂർത്തി നിർവ്വഹിക്കുന്നു.സംഗീതം-ബി അജനീഷ് ലോകനാഥ്, എഡിറ്റർ-കെ എം പ്രകാശ്,പി ഒ-എ എസ് ദിനേശ്, ശബരി.
