നേഷൻസ്‌ ലീഗ്‌ : ആദ്യജയം തേടി 
ചാമ്പ്യന്മാർ

പാരിസ്
നേഷൻസ് ലീഗ് ഫുട്ബോളിൽ ആദ്യജയം തേടി ചാമ്പ്യന്മാരായ ഫ്രാൻസ് ഇന്ന് ഇറങ്ങുന്നു. ഓസ്ട്രിയയാണ് എതിരാളി. ഗ്രൂപ്പ് ഒന്നിൽ അവസാനസ്ഥാനത്താണ് ഫ്രഞ്ചുകാർ. രണ്ടുവീതം തോൽവിയും സമനിലയും സഹിതം ആകെ രണ്ട് പോയിന്റ്. ഒമ്പത് പോയിന്റുമായി ഡെന്മാർക്കാണ് ഒന്നാമത്. ക്രൊയേഷ്യ രണ്ടാംസ്ഥാനത്ത്. ക്രൊയേഷ്യ–-ഡെന്മാർക്ക് പോരാട്ടവും ഇന്നുണ്ട്. മറ്റ് മത്സരങ്ങളിൽ ബൽജിയം വെയ്ൽസിനെയും നെതർലൻഡ്സ് പോളണ്ടിനെയും നേരിടും. രാത്രി 12.15നാണ് കളികൾ. സോണി ലിവിൽ കാണാം.