കൊച്ചി> പാല്തു ജാന്വര് എന്ന ചിത്രത്തിന്റെ സംവിധായകനായ സംഗീത് പി രാജനും ചിത്രത്തില് സ്റ്റെഫി എന്ന ശ്രദ്ധേയ കഥാപാത്രത്തെ അവതരിപ്പിച്ച ശ്രുതി സുരേഷും വിവാഹിതരായി. ചങ്ങനാശേരി കുണ്ടൂര് കണ്വെന്ഷന് സെന്ററിലായിരുന്നു വിവാഹം.
തിരുവല്ല സ്വദേശിയാണ് ശ്രുതി. കണ്ണൂർ ജില്ലയിലെ ഇരിട്ടിയാണ് സംഗീതിന്റെ നാട്. സംഗീത് സംവിധാനം ചെയ്ത ആദ്യ ചിത്രമാണ് പാല്തു ജാന്വര്. ജൂണ് സിനിമയില് പ്ളസ്ടുകാരിയായ ശ്രീലക്ഷ്മി, കഴിഞ്ഞ ദിവസം ഒടിടി റിലീസായ സുന്ദരി ഗാര്ഡന്സില് നീരജ് മാധവിന്റെ സഹോദരി എന്നീ കഥാപാത്രങ്ങളെ അവതരിപ്പിച്ച ശ്രുതി, കരിക്ക് ഫ്ളിക്കിന്റെ റോക്ക് വേപ്പര് സിസേഴ്സ്, വെബ് സീരീസായ കല്യാണക്കച്ചേരി എന്നിവയിലും അഭിനയിച്ചു. സംവിധായകൻ സുരേഷ് തിരുവല്ലയുടെ മകളാണ്.
