കൊച്ചി : സിൻ സിൽ സെല്ലുലോയ്ഡിന്റെ ബാനറിൽ എസ് ജോർജ് നിർമ്മിച്ച് ഷൈൻ നിഗവും സണ്ണി വെയ്നും പ്രധാന വേഷങ്ങളിൽ എത്തുന്ന വേലയിലെ ഷൈൻ നിഗം അവതരിപ്പിക്കുന്ന ക്യാരക്ടർ പോസ്റ്റർ റിലീസ് ചെയ്തു.
ഷൈൻ നിഗം തന്റെ കരിയറിലെ ആദ്യ പോലീസ് വേഷമാണ് വേലയിൽ അവതരിപ്പിക്കുന്നത്. പാലക്കാടുള്ള ഒരു പോലീസ് കൺട്രോൾ റൂമിന്റെ പശ്ചാത്തലത്തിൽ നടക്കുന്ന കഥയാണ് വേല. ശ്യാം ശശി ആണ് ചിത്രത്തിന്റെ സംവിധായകൻ. മറ്റു പ്രധാന വേഷങ്ങളിൽ സിദ്ധാർഥ് ഭരതനും അഥിതി ബാലനുമാണ്. ‘വിക്രം വേദ’, ‘കൈദി’ മുതലായ സിനിമകളുടെ സംഗീത സംവിധായകനായ സാം.സി.എസ് സംഗീത സംവിധാനവും എം സജാസ് തിരക്കഥയുമൊരുക്കുന്നു. ബാദുഷാ പ്രൊഡക്ഷൻസ് കോ പ്രൊഡ്യൂസർ.
