ഊട്ടി> നീലഗിരി കൂനൂരിലുണ്ടായ വാഹനാപകടത്തില് മലയാളി യുവാവ് മരിച്ചു. പാലക്കാട് സ്വദേശി രഞ്ജിത്ത് (18) ആണ് മരിച്ചത്. ഇന്ന് ഉച്ചയ്ക്ക് ശേഷമാണ് അപകടം നടന്നത്.പരിക്കേറ്റ മറ്റുള്ളവരെ കൂനൂര് സര്ക്കാര് ആശുപത്രിയില് പ്രവേശിപ്പിച്ചു. വടക്കഞ്ചേരി പരുവാശേരി കൊളക്കോട് നിന്നുള്ള സംഘം സഞ്ചരിച്ച വാഹനമാണ് അപകടത്തില്പ്പെട്ടത്.
ഒമ്പത് അംഗ സംഘം ഊട്ടി സന്ദര്ശിച്ച ശേഷം തിരിച്ചുവരുമ്പോഴാണ് അപകടം നടന്നത്. ഇവര് സഞ്ചരിച്ച വാഹനം കൂനൂര് മേട്ടുപ്പാളയം ചുരം ഇറങ്ങുന്നതിനിടെ കാട്ടേരിയില് റോഡരികിലെ ചായക്കടയില് ഇടിച്ചുകയറുകയായിരുന്നു.
