ദുബൈ> വിരാട് കോഹ്ലിയുടെ കന്നി ടി20 അന്താരാഷ്ട്ര സെഞ്ചുറിയുടെ കരുത്തിൽ അഫ്ഗാനിസ്ഥാനെതിരെ കൂറ്റൻ ജയത്തോടെ ഏഷ്യാ കപ്പിൽ നിന്ന് ഇന്ത്യ വിജയത്തോടെ മടങ്ങി. ബാറ്റിങിൽ കോഹ്ലിയും ബൗളിങിൽ അഞ്ച് വിക്കറ്റുകൾ നേടി ഭുവനേശ്വർ കുമാറും തിളങ്ങിയോടെ ഇന്ത്യയ്ക്ക് ജയം അനായാസമായി.
ആദ്യം ബാറ്റ് ചെയ്ത ഇന്ത്യ കോലിയുടെ കരുത്തിൽ (60 പന്തിൽ 122 റൺസ്) രണ്ട് വിക്കറ്റ് മാത്രം നഷ്ടത്തിൽ 212 റൺസെടുത്തു. മറുപടി പറയാനിറങ്ങിയ അഫ്ഗാനിസ്ഥാന്റെ പോരാട്ടം 20 ഓവറിൽ എട്ട് വിക്കറ്റ് നഷ്ടത്തിൽ 111 റൺസിൽ അവസാനിപ്പിച്ചു. ഏഷ്യാകപ്പിൽ നിന്ന് ഇരു ടീമുകളും ടൂർണമെന്റിൽ നിന്ന് നേരത്തെ പുറത്തായിരുന്നു. എന്നാൽ ലോകകപ്പിന് മുമ്പുള്ള കോഹ്ലി തിരിച്ചുവരവ് ഇന്ത്യയ്ക്ക് വലിയ പ്രതീക്ഷയാണ്.
