പാലക്കാട്> അപകടപ്പെടുത്താന് ശ്രമിച്ച ബസ് തടഞ്ഞ് യുവതി. പാലക്കാട് പെരുമണ്ണൂരിലാണ് സംഭവം. സ്ക്കൂട്ടര് യാത്രക്കാരി സാന്ദ്രയാണ് പാലക്കാട് നിന്ന് ഗുരുവായൂരിലേക്ക് പോകുന്ന രാജപ്രഭയെന്ന ബസ് തടഞ്ഞത്.
ബസ് ഓവര്ടേക്ക് ചെയ്യുന്നതിനിടെ ഇരുചക്രവാഹനത്തിലുണ്ടായിരുന്ന സാന്ദ്ര എന്ന യുവതി തലനാരിഴയ്ക്കാണ് രക്ഷപ്പെട്ടത്.ഒന്നരകിലോമീറ്ററോളം ബസിനെ പിന്തുടര്ന്നാണ് സാന്ദ്ര തന്റെ പ്രതിഷേധമറിയിച്ചത്.വണ്ടി തടഞ്ഞുനിര്ത്തി കാര്യങ്ങള് പറയുമ്പോഴും ചെവിയില് ഹെഡ്സെറ്റ് തിരുകി ഡ്രൈവര് തന്നെ അവഗണിക്കുകയായിരുന്നെന്ന് സാന്ദ്ര പറയുന്നു.
യാത്രക്കാരില് ചിലര് അനുകൂലിച്ചപ്പോള് നിങ്ങളെന്താ ആണുങ്ങളെപ്പോലെ ഗുണ്ടായിസം കാണിക്കുന്നതെന്ന് ചോദ്യം ചെയ്തവരും ഉണ്ടെന്ന് സാന്ദ്ര പറയുന്നു. അതേസമയം, സാന്ദ്ര ബസ് തടഞ്ഞുനിര്ത്തി സംസാരിക്കുമ്പോഴും ബസിലെ ഒരു യാത്രക്കാരന് ഒഴികെയുള്ളവരോ വഴിയാത്രക്കാരോ പിന്തുണയ്ക്കാന് എത്തിയില്ല. ഒരു യാത്രക്കാരന് മാത്രമാണ് അഭിനന്ദിച്ചതെന്ന് സാന്ദ്ര പറഞ്ഞു.
