ചെന്നൈ> പ്രശസ്ത കർണാടക സംഗീതജ്ഞൻ ടി വി ശങ്കരനാരായണൻ (77) അന്തരിച്ചു. 1945 ൽ സംഗീതജ്ഞരായ തിരുവാലങ്ങൽ വെമ്പു അയ്യരുടെയും ഗോമതി അമ്മാളുടെയും മകനായി മയിലാടുതുറൈയിലാണ് ശങ്കരനാരായണന്റെ ജനനം.
അമ്മാവനും സംഗീതജ്ഞനുമായ മധുരൈ മണി അയ്യരുടെ കീഴിലാണ് ശങ്കരനാരായണൻ സംഗീതം അഭ്യസിച്ചത്.1968 ലാണ് ആദ്യമായി അരങ്ങേറ്റം കുറിക്കുന്നത്. 16-മത്തെ വയസ്സുമുതൽ അമ്മാവൻ മണി അയ്യർക്കൊപ്പം പാടിത്തുടങ്ങി. നിരവധി വേദികളിൽ സംഗീത പരിപാടി അവതരിപ്പിച്ചിട്ടുണ്ട്. പത്മഭൂഷൺ, കേന്ദ്ര സംഗീത നാടക അക്കാദമി അവാർഡ് അടക്കം നിരവധി പുരസ്കാരങ്ങൾ നേടിയിട്ടുണ്ട്.
