ന്യൂയോർക്ക്
യുഎസ് ഓപ്പൺ ടെന്നീസിൽ മുൻ ചാമ്പ്യൻ റാഫേൽ നദാൽ കടുത്ത പരീക്ഷണം അതിജീവിച്ച് മൂന്നാംറൗണ്ടിൽ. രണ്ടാംറൗണ്ടിൽ ഇറ്റലിയുടെ ഫാബിലോ ഫോഗ്-നിനിയോട് ആദ്യ സെറ്റ് നഷ്ടമായശേഷം സ്പാനിഷുകാരൻ തിരിച്ചുവരികയായിരുന്നു (2–6, 6–4, 6–2, 6–1). രണ്ടാംസെറ്റിൽ 2–4ന് പിന്നിലായിരുന്നു ഒരുഘട്ടത്തിൽ നദാൽ.
മത്സരത്തിനിടെ റാക്കറ്റുകൊണ്ട് മുഖത്ത് സ്വയം ഇടിച്ചതിനെത്തുടർന്ന് നദാലിന്റെ മൂക്കിൽ ചോരവന്നു. അൽപ്പനേരം ചികിത്സയുംതേടി. സ്പാനിഷ് യുവതാരം കാർലോസ് മുന്നേറി.വനിതകളിൽ ഒന്നാംറാങ്കുകാരി ഇഗ ഷ്വിയാടെക്കും മൂന്നാംറൗണ്ടിൽ കടന്നു.
