തിരുവനന്തപുരം> എസ്എഫ്ഐ സംസ്ഥാന കമ്മിറ്റിയും ബഹ്റൈനിലെ മലയാളികളുടെ കൂട്ടായ്മയായ ബഹ്റൈൻ പ്രതിഭയും ചേർന്ന് നൽകുന്ന ബഹ്റൈൻ പ്രതിഭാ പുരസ്കാരത്തിന് അപേക്ഷ ക്ഷണിച്ചു. എസ്എസ്എൽസി, പ്ലസ്ടു, ഡിഗ്രി, പിജി, പ്രൊഫഷണൽ പരീക്ഷകളിൽ കഴിഞ്ഞ അധ്യയന വർഷം ഉന്നത വിജയം നേടിയ സാമ്പത്തികമായി പിന്നാക്കം നിൽക്കുന്നവർക്കാണ് പുരസ്കാരം.
ബയോഡാറ്റ, മാർക്ക് ലിസ്റ്റിന്റെയും വരുമാനം തെളിയിക്കുന്ന സർട്ടിഫിക്കറ്റുകളുടെയും സാക്ഷ്യപ്പെടുത്തിയ പകർപ്പുകൾ എന്നിവ സഹിതം 26നകം അപേക്ഷിക്കണം. വിലാസം:- സെക്രട്ടറി, എസ്എഫ്ഐ സംസ്ഥാന കമ്മിറ്റി, കെ വി സുധീഷ് സ്മാരകം, തൈവിള
ലൈൻ, തിരുവനന്തപുരം -695001, ഇ മെയിൽ: -kvsudheeshsmarakom@gmail.com. കവറിന് പുറത്ത് മുകളിൽ ബഹ്റൈൻ പ്രതിഭാ പുരസ്കാരം എന്നെഴുതണം.
