ഇടുക്കി > കോണ്ഗ്രസ് മണ്ഡലം പ്രസിഡന്റിന് നേരെ തെറിവിളിയും ഭീഷണിയുമായി ഇടുക്കി ഡിസിസി പ്രസിഡന്റ് സി പി മാത്യു. തൊടുപുഴ ബ്ലോക്ക് കമ്മിറ്റിക്ക് കീഴിലെ കുമാരമംഗലം മണ്ഡലം പ്രസിഡന്റ് അഡ്വ. സെബാസ്റ്റ്യൻ മാത്യുവിന് നേർക്കാണ് അസഭ്യവർഷം നടത്തിയത്. ഇതിന്റെ ഓഡിയോ ക്ലിപ്പ് പുറത്തുവന്നിട്ടുണ്ട്. ഭാരവാഹി യോഗത്തില് വിമര്ശനമുന്നയിച്ചതിനാണ് ഭീഷണി.
സംഭാഷണത്തില് കാണിച്ചു തരാമെന്ന് മുന്നറിയിപ്പുമുണ്ട്. യോഗങ്ങളില് സി പി മാത്യു പങ്കെടുക്കാത്തത് നേതൃത്വത്തെ അറിയിച്ചതിന് പിന്നാലെയാണ് ഫോണില് വിളിച്ച് ഭീഷണി മുഴക്കിയത്. യൂത്ത് കോണ്ഗ്രസുകാര് കൊലപ്പെടുത്തിയ ധീരജിനെതിരെ അധിക്ഷേപ പരാമര്ശം നടത്തി പല തവണ വിവാദത്തിലായ കോണ്ഗ്രസ് നേതാവ് കൂടിയാണ് സി പി മാത്യു.
