ഇസ്താംബുൾ
ചാമ്പ്യൻസ് ലീഗ് ഫുട്ബോളിൽ ബാഴ്സലോണയ്ക്ക് മുന്നിൽ വീണ്ടും ബയേൺ മ്യൂണിക്ക്. ഇത്തവണ ഗ്രൂപ്പ് സിയിലാണ് ഇരുടീമുകളും. ഇറ്റാലിയൻ കരുത്തരായ ഇന്റർ മിലാനും ഒപ്പമുണ്ട്. ചെക്ക് ക്ലബ് വിക്ടോറിയ പ്ലിസനാണ് നാലാം ടീം. കഴിഞ്ഞ സീസണിൽ ഗ്രൂപ്പ് ഘട്ടത്തിലും 2020ൽ ക്വാർട്ടറിലും ബയേണിനോട് തകർന്നിരുന്നു ബാഴ്സ. ഈ സീസണിൽ ബയേൺ വിട്ട മുന്നേറ്റക്കാരൻ റോബർട്ട് ലെവൻഡോവ്സ്കി ബാഴ്സ നിരയിലുണ്ട്.
നിലവിലെ ചാമ്പ്യൻമാരായ റയൽ മാഡ്രിഡിന് എളുപ്പമാണ്. ആർബി ലെയ്പ്സിഗ്, ഷാക്തെർ ഡൊണെസ്തക്, സെൽറ്റിക് എന്നിവരാണ് ഗ്രൂപ്പിൽ.
സെപ്തംബർ ആറിനാണ് ഗ്രൂപ്പ് ഘട്ടം ആരംഭിക്കുന്നത്. ഫെെനൽ അടുത്ത വർഷം ജൂൺ പത്തിന്.
.jpg)
