കണ്ണൂർ> മട്ടന്നൂർ നഗരസഭാ തെരഞ്ഞെടുപ്പിന്റെ വോട്ടെണ്ണൽ രാവിലെ പത്തോടെ മട്ടന്നൂർ ഹയർസെക്കൻഡറി സ്കൂളിൽ ആരംഭിച്ചു. ആദ്യ ഫലസൂചനകൾ പുറത്ത് വരുമ്പോൾ ഏഴിടത്ത് എൽഡിഎഫ് മുന്നേറുകയാണ്. www.lsgelection.kerala.gov.in വെബ്സൈറ്റിലെ TRENDൽ ഫലം തത്സമയം ലഭ്യമാകും.
ആകെയുള്ള 35 സീറ്റിൽ 28 സീറ്റുമായി എൽഡിഎഫ് ആണ് നിലവിൽ നഗരസഭ ഭരിക്കുന്നത്. സിപിഎമ്മിന് 25, സി പി ഐ, ഐഎൻഎൽ, ജനതാദൾ എന്നിവർക്ക് ഒരോ സീറ്റുകളാണ് ലഭിച്ചത്. കോൺഗ്രസിന് നാല്, ലീഗിന് മൂന്ന് എന്നിങ്ങനെയായിരുന്നു യുഡിഎഫ് കക്ഷി നില.
