കാക്കനാട്> യുട്യൂബിലെ കൊലപാതക വീഡിയോകൾ കണ്ടു മനസ്സിലാക്കിയാണ് കാക്കനാട് ഇടച്ചിറയിലെ ഫ്ലാറ്റിൽ യുവാവിനെ കൊലപ്പെടുത്തിയതെന്ന് പ്രതി. കഞ്ചാവ് വാങ്ങാൻ പണംനൽകിയത് തിരിച്ചുനൽകാത്തത് സംബന്ധിച്ച് അർഷാദും സജീവ് കൃഷ്ണയും തമ്മിൽ ഫ്ലാറ്റിൽ രൂക്ഷമായ വാക്കേറ്റമുണ്ടായി. തുടർന്ന് സജീവ് കൃഷ്ണ ഉറങ്ങാൻ കിടന്നു.
ഈ സമയം ആളുകളെ കൊല്ലുന്ന വീഡിയോകൾ യുട്യൂബിൽ നിരവധിതവണ കണ്ട അൻഷാദ്, കൊലപാതകം ആസൂത്രണം ചെയ്തു. ഉറങ്ങുകയായിരുന്ന സജീവിനെ അടുക്കളയിൽനിന്ന് കത്തിയെടുത്ത് കുത്തി കൊലപ്പെടുത്തുകയായിരുന്നുവെന്ന് അർഷാദ് പൊലീസിനോട് പറഞ്ഞു. കൊലപാതകംനടന്ന മുറിയിൽനിന്ന് കഞ്ചാവും ഹുക്കയും പൊലീസ് കണ്ടെടുത്തിരുന്നു. ഒറ്റയ്ക്കാണ് കൊലപാതകം നടത്തിയതെന്ന അർഷാദിന്റെ മൊഴി പൊലീസ് വിശ്വസിച്ചിട്ടില്ല.
