കൊച്ചി> മാര് ആന്ഡ്രൂസ് താഴത്തിനെ എറണാകുളം അങ്കമാലി അതിരൂപത അപ്പസ്തോലിക് അഡ്മിനിസ്ട്രേറ്ററായി നിയമിച്ചു. മാര് ആന്റണി കരിയിലിന്റെ രാജി അംഗീകരിച്ചാണ് മാര്പാപ്പയുടെ തീരുമാനം.
പ്രഖ്യാപനം ശനിയാഴ്ച ഇറ്റാലിയന് സമയം പകല് 12-ന് വത്തിക്കാനിലും പകല് 3.30-ന് സഭാകാര്യാലയമായ കാക്കനാട് മൗണ്ട് സെന്റ് തോമസിലും എറണാകുളം-അങ്കമാലി അതിരൂപത ആസ്ഥാനത്തൂം നടന്നു.അതിരൂപതയുടെ പുതിയ ഭരണ സംവിധാനത്തെക്കുറിച്ചുള്ള അറിയിപ്പ് വെള്ളിയാഴ്ച ഇന്ത്യയിലെ വത്തിക്കാന് സ്ഥാനപതി ആര്ച്ച് ബിഷപ് ഡോ. ലിയോപോള്ഡ് ജിറേല്ലിമേജര് ആര്ച്ചുബിഷപ്പ് കര്ദിനാള് മാര് ജോര്ജ് ആലഞ്ചേരിക്കു നല്കിയിരുന്നു.
തൃശൂര് അതിരൂപതയുടെ മെത്രാപ്പോലീത്തന് ആര്ച്ചുബിഷപ്പിന്റെ സ്ഥാനത്തു തുടര്ന്നുകൊണ്ടായിരിക്കും മാര് ആന്ഡ്രൂസ് താഴത്ത് എറണാകുളം-അങ്കമാലി അതിരൂപതയില് അപ്പസ്തോലിക് അഡ്മിനിസ്രടേറ്ററുടെ ചുമതല നിര്വ്വഹിക്കുക.
