പരമ്പര നേടാൻ ഇന്ത്യ

മാഞ്ചസ്റ്റർ> ഇന്ത്യയും ഇംഗ്ലണ്ടും തമ്മിലുള്ള ഏകദിന ക്രിക്കറ്റ് പരമ്പരയിലെ നിർണായക മത്സരം ഇന്ന് നടക്കും. ജയിക്കുന്നവർക്ക് പരമ്പര നേടാം. മാഞ്ചസ്റ്ററിൽ പകൽ മൂന്നരയ്ക്കാണ് കളി. ആദ്യകളി ഇന്ത്യ 10 വിക്കറ്റിന് ജയിച്ചപ്പോൾ രണ്ടാമത്തേത് 100 റണ്ണിന് ജയിച്ച് ഇംഗ്ലണ്ട് തിരിച്ചുവന്നു. മുൻ ക്യാപ്റ്റൻ വിരാട് കോഹ്ലിയുടെ മോശം ഫോമാണ് പ്രധാന ചർച്ച.