ന്യൂഡല്ഹി> എന്ഡിഎയുടെ ഉപരാഷ്ട്രപതി സ്ഥാനാര്ഥിയായി ജഗ്ദീപ് ധന്കറിനെ പ്രഖ്യാപിച്ചു. ബിജെപി ദേശീയ ആസ്ഥാനത്ത് ചേര്ന്ന പാര്ലമെന്ററി ബോര്ഡ് യോഗത്തില് വെച്ചായിരുന്നു തീരുമാനം.
2019 ജുലായ് 30 മുതല് പശ്ചിമ ബംഗാള് ഗവര്ണറാണ് ജഗ്ദീപ് ധന്കര്. മുന് കേന്ദ്രമന്ത്രി മുക്താര് അബ്ബാസ് നഖ്വി, പ്രതിരോധമന്ത്രി രാജ്നാഥ് സിങ്, ക്യാപ്റ്റന് അമരീന്ദര് സിങ്, കേരള ഗവര്ണര് ആരിഫ് മുഹമ്മദ് ഖാന്, ജമ്മു കശ്മീര് ലഫ്.ഗവര്ണര് മനോജ് സിന്ഹ, മുന് കേന്ദ്രമന്ത്രി എസ്.എസ് അലുവാലിയ, കേന്ദ്രമന്ത്രി ഹര്ദീപ് സിങ് പുരി എന്നിവരുടെ പേരുകളാണ് ആദ്യഘട്ടം മുതല് സ്ഥാനാര്ഥിപദത്തിലേക്ക് ഉയര്ന്നുവന്നിരുന്നത്.എന്നാല് പിന്നീട് ഗജ്ദീപ് ധന്കറിന് നറുക്ക് വീഴുകയായിരുന്നു.
പ്രധാനമന്ത്രി നരേന്ദ്രമോദി, ദേശീയ അധ്യക്ഷന് ജെ പി. നഡ്ഡ, കേന്ദ്രമന്ത്രിമാരായ രാജ്നാഥ് സിങ്, അമിത് ഷാ തുടങ്ങിയവരുടെ നേതൃത്വത്തിലായിരുന്നു യോഗം.
