കൊച്ചി > വി ഡി സതീശൻ പച്ചക്കള്ളം പറയുകയാണെന്ന് ആർഎസ്എസ് നേതാവ് ആർ വി ബാബു. ആർഎസ്എസ് പരിപാടിയിൽ പങ്കെടുത്ത് ഗോൾവാർക്കറുടെ ചിത്രത്തിന് മുന്നിൽ സതീശൻ വിളക്ക് കൊളുത്തി. 2001 ൽ മത്സരിച്ചപ്പോൾ ആർഎസ്എസ് നേതാവിനെക്കണ്ട് സഹായം ചോദിച്ചു. ഫോട്ടോ തെറ്റാണെങ്കിൽ നിയമനടപടി സ്വീകരിക്കട്ടെയെന്നും ആർ വി ബാബു വാർത്താസമ്മേളനത്തിൽ പറഞ്ഞു.
വി ഡി സതീശൻ ആര്എസ്എസി നോട് വോട്ട് ചോദിച്ചുവെന്നാണ് ആരോപണം. 2001ലും 2006 ലും സതീശൻ ആർഎസ്എസ് നേതാവിനെ രഹസ്യമായി കണ്ടിരുന്നുവെന്ന് ആര് വി ബാബു പറഞ്ഞു. പറവൂരിലെ ആർഎസ്എസ് പരിപാടിയിൽ പങ്കെടുത്തിട്ടില്ലെന്ന് സതീശൻ കള്ളം പറയുന്നു. സതീശൻ സാമാന്യ ബുദ്ധിയെ പരിഹസിക്കുന്നു. തന്റെ മോശം പശ്ചാത്തലം എന്താണെന്നു സതീശൻ പറയണമെന്ന് ആര് വി ബാബു ആവശ്യപ്പെട്ടു.
