കൊയിലാണ്ടി> മൂടാടി ഉരുപുണ്യ കാവ് കടലിൽ തോണി മറിഞ്ഞു മത്സ്യ തൊഴിലാളിയെ കാണാതായി. മുത്തായത്ത് കോളനി ഷിഹാബിനേയാണ് (27) കാണാതായത്. ചൊവ്വാഴ്ച രാവിലെ എട്ട് മണിയോടെയാണ് അപകടം.
ചെറുതോണിയിൽ മീൻപിടിക്കുന്നതിനിടെ അതിശക്തമായ തിരയിൽപ്പെട്ട് തോണി മറിയുകയായിരുന്നു. തോണിയിൽ ഉണ്ടായിരുന്ന രണ്ടു പേർ നീന്തി രക്ഷപ്പെട്ടു. കാണാതായ മത്സ്യ തൊഴിലാളിക്ക് വേണ്ടി തിരച്ചിൽ തുടരുകയാണ്. കോസ്റ്റ് ഗാർഡും കൊയിലാണ്ടി പോലിസും ഫയർഫോഴ്സും സ്ഥലത്തെത്തി.
