ആറന്മുള > അഭിഭാഷക വിദ്യാർത്ഥിനിയെ വിവാഹ വാഗ്ദാനം നൽകി പീഡിപ്പിച്ചെന്ന പരാതിയിയിൽ യൂത്ത് കോൺഗ്രസ് നേതാവ് അറസ്റ്റിൽ. ആറന്മുള നിയോജക മണ്ഡലം വൈസ് പ്രസിഡന്റ് കുമ്പഴ സ്വദേശി അഭിജിത്ത് സോമനാണ് അറസ്റ്റിലായത്. പത്തനംതിട്ടയിലെ സ്വകാര്യ ലോ കോളേജിൽ പെൺകുട്ടിയുടെ സഹപാഠിയാണ് നിയമ വിദ്യാർത്ഥി കൂടിയായി യൂത്ത് കോൺഗ്രസ് നേതാവ്. ഇയാൾ പെൺകുട്ടിയുടെ കയ്യിൽ നിന്ന് പണം തട്ടിയെടുത്തതായും പരാതിയുണ്ട്. കൊടുത്ത പണം കിട്ടാത്തതിനെ തുടർന്ന് പെൺകുട്ടി കഴിഞ്ഞ ദിവസം ആത്മഹത്യക്ക് ശ്രമിച്ചിരുന്നു.
ഉമ്മൻ ചാണ്ടിയടക്കം കോൺഗ്രസ് നേതാക്കളുമായി അടുത്ത ബന്ധമാണ് അഭിജിത് സോമനുള്ളത്. ഒരു വർഷമായി ഇവർ പ്രണയത്തിലായിരുന്നു. കഴിഞ്ഞ ദിവസം വിവാഹ വാഗ്ദാനം നിരസിക്കുകയും പണം തിരികെ നൽകാതിരിക്കുകയും ചെയ്തതോടെ പെൺകുട്ടി കൈ ഞരമ്പുമുറിച്ച് ആത്മഹത്യക്ക് ശ്രമിക്കുകയായിരുന്നു. ഇതിനിടയിൽ കാറിൽ കൂട്ടിക്കൊണ്ടുപോയി മർദ്ദിച്ചതായും പറയുന്നു. യുവതി ഇപ്പോൾ സ്വകാര്യ ആശുപത്രിയിൽ ചികിത്സയിലാണ്.
