ടോക്യോ> ജപ്പാന് മുന് പ്രധാനമന്ത്രി ഷിന്സോ ആബേയ്ക്ക് വെടിയേറ്റു. കിഴക്കൻ ജപ്പാനിലെ നാരാ സിറ്റിയില് വെച്ചാണ് വെടിയേറ്റത്. നെഞ്ചില് വെടിയേറ്റ ആബേയെ ആശുപത്രിയിലേക്ക് മാറ്റി. പാർലമെൻറിന്റെ ഉപരിസഭയിലേക്ക് ഞായറാഴ്ച നടക്കുന്ന പൊതുതെരഞ്ഞെടുപ്പിന്റെ പ്രചരണയോഗത്തിൽ സംസാരിക്കുമ്പോഴാണ് വെടിയേറ്റത്.
ആബേയുടെ ഇടതുനെഞ്ചിലാണ് വെടിയേറ്റത്. കൈത്തോക്ക് ഉപയോഗിച്ചാണ് വെടിവെച്ചതെന്ന് പൊലീസ് പറയുന്നു. അക്രമിയെ പൊലീസ് കസ്റ്റഡിയിലെടുത്തതായി അന്താരാഷ്ട്ര മാധ്യമങ്ങള് റിപ്പോര്ട്ട് ചെയ്തു. 2020 ഓഗസ്റ്റിലാണ് ഷിന്സോ ആബെ പ്രധാനമന്ത്രിപദം ഒഴിഞ്ഞത്. ജപ്പാനിൽ ഏറ്റവും കൂടുതൽകാലം പ്രധാനമന്ത്രി പദത്തിലിരുന്ന ആളാണ് ആബേ.
