തിരുവനന്തപുരം> വനിതാ മാധ്യമപ്രവർത്തകയെ അപമാനിച്ച് പി സി ജോർജ്. പീഡനക്കേസിൽ അറസ്റ്റിലായ ശേഷം തെക്കാട് ഗസ്റ്റ് ഹൗസിൽ നിന്ന് പുറത്തുവന്ന് മാധ്യമങ്ങളോട് സംസാരിക്കുന്നതിനിടെയായിരുന്നു സംഭവം.
ജോർജിനെതിരെ പീഡപരാതി നൽകിയ സ്ത്രീയുടെ പേര് വെളിപ്പെടുത്തിയത് കൈരളി ടിവി റിപ്പോർട്ടർ ചോദ്യം ചെയ്തു. ഇങ്ങനെ ഇരയുടെ പേര് പറയുന്നത് ശരിയല്ലല്ലോ എന്നായിരുന്നു ചോദ്യം. എന്നാൽ പിന്നെ ഞാൻ നിങ്ങളുടെ പേര് പറയാമെന്നാണ് ജോർജ് മറുപടി നൽകിയത്. ഇത് ശരിയല്ലെന്നും അധിക്ഷേപിച്ചതിന് മാപ്പ് പറയണമെന്നും മാധ്യമപ്രവർത്തക ആവശ്യപ്പെട്ടു. ഇതിൽ ക്ഷുഭിതനായ ജോർജ് അസഭ്യം പറയുകയായിരുന്നു. ഇതിന് പിന്നാലെ ജോർജിനൊപ്പമുണ്ടായിരുന്നവർ മാധ്യമപ്രവർത്തകയെ കയ്യേറ്റം ചെയ്യാൻ ശ്രമിക്കുകയും ചെയ്തു.
