വയനാട്> ‘ഓഫീസ് തകര്ത്ത’ വിദ്യാര്ഥി സംഘടനയോട് ദേഷ്യം വെച്ചുപുലര്ത്തുന്നില്ലെന്ന് കോണ്ഗ്രസ് എംപി രാഹുല് ഗാന്ധി . വയനാട്ടില് തന്റെ ഓഫീസ് സന്ദര്ശിക്കുകയായിരുന്നു അദ്ദേഹം.ഇന്ന് ഉച്ചയ്ക്ക് മൂന്ന് മണിയോടെയാണ് രാഹുല് മുതിര്ന്ന കോണ്ഗ്രസ് നേതാക്കള്ക്കൊപ്പം തന്റെ ഓഫീസില് എത്തിയത്. ആക്രമണത്തിന് ശേഷം ആദ്യമായാണ് രാഹുല് വയനാട്ടിലെത്തിയത്.
കുട്ടികളാണ് ഇത് ചെയ്തതെന്നാണ് മനസ്സിലാക്കുന്നത്.ഉത്തരവാദരഹിതമായാണ് അവര് ഇത്തരമൊരു ആക്രമണം നടത്തിയത്. അതില് എനിക്കവരോട് ദേഷ്യമൊന്നുമില്ല. അവര് അതിന്റെ അനന്തരഫലങ്ങള് ചിന്തിക്കാതെയായിരിക്കാം അക്രമം നടത്തിയത്. ദൗര്ഭാഗ്യകരമായ സംഭവമാണ് നടന്നത്. അക്രമം പ്രശ്നങ്ങള്ക്ക് പരിഹാരമുണ്ടാക്കില്ല. ഓഫീസ് സന്ദര്ശിച്ച ശേഷം രാഹുല് മാധ്യമങ്ങളോട് പറഞ്ഞു.
പ്രതിപക്ഷനേതാവ് വിഡി സതീശന്, കെപിസിസി പ്രസിഡന്റ് കെ സുധാകരന്, എഐസിസി ജനറല് സെക്രട്ടറി കെസി വേണുഗോപാല്, ഉമ്മന്ചാണ്ടി തുടങ്ങി നിരവധി മുതിര്ന്ന നേതാക്കളും രാഹുലിനൊപ്പമുണ്ടായിരുന്നു.
