സുരേന്ദ്രനും സുരേഷ് ഗോപിയും തോളോട് തോള്‍ ചേര്‍ന്ന് പ്രവര്‍ത്തിക്കും; വ്യാജ വാര്‍ത്തയ്‌ക്കെതിരെ നിയമനടപടിയെന്ന് ബിജെപി

നടനും മുന്‍ രാജ്യസഭാംഗവുമായ സുരേഷ് ഗോപി പാര്‍ട്ടി വിടുമെന്ന പ്രചരണം വ്യാജമെന്ന് ബിജെപി. ചിലര്‍ ദുഷ്ടലാക്കോടെ പടച്ചുവിടുന്നതാണ് ഇത്തരം വ്യാജ വാര്‍ത്തകളെന്നും ബിജെപി അധ്യക്ഷന്‍ കെ സുരേന്ദ്രനും സുരേഷ് ഗോപിയും തോളോട് തോള്‍ ചേര്‍ന്ന് പ്രവര്‍ത്തിക്കുമെന്നും ബിജെപി പ്രസ്താവനയില്‍ പറയുന്നു. ഇത്തരം വ്യാജ വാര്‍ത്തകളെ തള്ളിക്കളഞ്ഞുകൊണ്ട് സുരേഷ് ഗോപി തന്നെ രംഗത്ത് വന്നിരുന്നു. അദ്ദേഹത്തിന്റെ ജനപിന്തുണയില്‍ വിറളി പൂണ്ടവരാണ് ഇതിന് പിന്നിലെന്നും ബിജെപി പ്രസ്താവനയില്‍ പറയുന്നു.