പല്ലെക്കെലെ
ഓസ്ട്രേലിയക്കെതിരായ രണ്ടാംഏകദിനത്തിൽ ശ്രീലങ്കയ്ക്ക് തകർപ്പൻജയം. മഴനിയമപ്രകാരം 26 റണ്ണിനാണ് ലങ്ക ജയം നേടിയത്.
ആദ്യം ബാറ്റ് ചെയ്ത ലങ്ക 47.4 ഓവറിൽ ഒമ്പതിന് 220 റണ്ണെടുത്തുനിൽക്കെ മഴ കളി തടസ്സപ്പെടുത്തി. തുടർന്ന് ഓസീസിന്റെ ലക്ഷ്യം 43 ഓവറിൽ 216 റണ്ണായി പുനർനിശ്ചയിച്ചു. ഓസീസ് 37.1 ഓവറിൽ 189ന് പുറത്തായി.
മൂന്ന് വിക്കറ്റെടുത്ത ചാമിക കരുണരത്നെയാണ് ഓസീസിനെ തകർത്തത്. 37 റണ്ണെടുത്ത ഡേവിഡ് വാർണറാണ് ഓസീസിന്റെ ടോപ് സ്കോറർ.
ആദ്യം ബാറ്റ് ചെയ്ത ലങ്കയ്ക്കായി കുശാൽ മെൻഡിസ് 36 റണ്ണെടുത്തു. ഓസീസ് പേസർ പാറ്റ് കമ്മിൻസ് നാല് വിക്കറ്റെടുത്തു.
പരമ്പരയിലെ ആദ്യകളിയിൽ ഓസീസാണ് ജയിച്ചത്. അഞ്ച് മത്സര പരമ്പരയിലെ മൂന്നാമത്തേത് നാളെ നടക്കും.
