വഞ്ചിയൂർ > ആരോഗ്യ സർവകലാശാലയുടെ കീഴിലുള്ള കോളേജുകളിൽ നോമിനേഷൻ സൂക്ഷ്മപരിശോധന പൂർത്തിയാകുമ്പോൾ വഞ്ചിയൂർ ഏരിയയിലെ ആറ് കോളേജിലും യൂണിയൻ തെരഞ്ഞെടുപ്പിൽ എസ്എഫ്ഐക്ക് എതിരില്ല. തിരുവനന്തപുരം ഗവ. മെഡിക്കൽ കോളേജിൽ എസ്എഫ്ഐ വഞ്ചിയൂർ ഏരിയ കമ്മിറ്റി അംഗം അസിൻ ഷായും ആയുർവേദ കോളേജിൽ ഏരിയ കമ്മിറ്റി അംഗം വിശ്വനാഥും ചെയർപേഴ്സണായി തെരഞ്ഞെടുക്കപ്പെട്ടു, ഡെന്റൽ കോളേജിൽ ഏരിയാ കമ്മിറ്റി അംഗം വിമൽ ജോസാണ് ചെയർപേഴ്സൺ.
നഴ്സിങ് കോളേജിൽ എൻ എസ് അമലയും ഫാർമസി കോളേജിൽ നുവൈദും എംഎൽടി കോളേജിൽ പർവീസും ചെയർപേഴ്സണായി . മെഡിക്കൽ കോളേജിലെ വിദ്യാർഥികൾ സംഘടിപ്പിച്ച ആഹ്ലാദപ്രകടനം എസ്എഫ്ഐ സംസ്ഥാന കമ്മിറ്റി അംഗം എ എൽ നിരഞ്ജൻ ഉദ്ഘാടനം ചെയ്തു. ഏരിയ സെക്രട്ടറി നന്ദൻ, പ്രസിഡന്റ് സഞ്ജയ് തുടങ്ങിയവർ പങ്കെടുത്തു.
