പാലക്കാട്> ആര്എസ്എസ് പ്രവര്ത്തകന് ശ്രീനിവാസനെ കൊലപ്പെടുത്തിയ കേസില് കുറ്റകൃത്യത്തില് നേരിട്ട് പങ്കെടുത്തയാള് ഉള്പ്പടെ രണ്ടുപേര് കസ്റ്റഡിയിലെന്ന് ഉത്തരമേഖലാ ഐജി അശോക് യാദവ് മാധ്യമങ്ങളോട് പറഞ്ഞു. ആറംഗ സംഘത്തില് ഇരുചക്രവാഹനമോടിച്ച പോപുലര്ഫ്രണ്ട് പ്രവര്ത്തകരായ ഇക്ബാല്, ഗൂഢാലോചനയില് പങ്കെടുത്ത ഫയാസ് എന്നിവരാണ് കസ്റ്റഡിയിലുള്ളത്. ഇവരുടെ അറസ്റ്റ് ഉടന് രേഖപ്പെടുത്തും.
കൊലയാളി സംഘത്തിലെ അഞ്ചുപേരെ ഉടന് പിടികൂടും. ശനിയാഴ്ച നഗരത്തിലെ വിവിധയിടങ്ങളില് നടത്തിയ പരിശോധനയില് നിര്ണായക തെളിവുകള് പൊലീസ് ശേഖരിച്ചു. ഗൂഢാലോചനയിലും പ്രതികള്ക്ക് സഹായം ചെയ്തവരുമായി ഇമാം ഉള്പ്പടെ ഏഴുപേര് റിമാന്ഡിലാണ്.
