നൗകാമ്പ്
കാണികളുടെ എണ്ണത്തിൽ വീണ്ടും റെക്കോഡിട്ട് നൗകാമ്പ്. വനിതാ ചാമ്പ്യൻസ് ലീഗ് ഫുട്ബോൾ സെമി കാണാൻ 91,648 പേരാണ് നൗകാമ്പിൽ എത്തിയത്. സ്വന്തം കാണികൾക്കുമുന്നിൽ ബാഴ്സലോണ വനിതകൾ വൂൾഫ്സ്ബുർഗിനെ 5–1ന് തകർത്തു.
സ്പാനിഷ് ചാമ്പ്യൻമാരായ ബാഴ്സ ചാമ്പ്യൻസ് ലീഗിൽ നിലവിലെ ജേതാക്കളാണ്. കഴിഞ്ഞമാസം റയൽ മാഡ്രിഡുമായുള്ള എൽ ക്ലാസികോ പോരാട്ടം കാണാൻ നൗകാമ്പിൽ 91,553 പേരാണ് എത്തിയത്.
