ത്രില്ലര് ചിത്രങ്ങളെ ഏറെ ഇഷ്ടപ്പെടുന്ന മലയാളികള്ക്കായി പുതിയൊരു ത്രില്ലര് വെബ് സീരിസ് കൂടിയെത്തുന്നു. ബിഹൈന്റ് എന്ന് പേരിട്ടിരിക്കുന്ന വെബ് സീരിസിലെ കേന്ദ്ര കഥാപാത്രത്തെ അവതരിപ്പിക്കുന്നത് ചലച്ചിത്ര താരം അഭിഷേക് രവീന്ദ്രനാണ്.
പൊറിഞ്ചു മറിയം ജോസ്, പാപ്പന്, രാമലീല, യുവം തുടങ്ങിയ ചിത്രങ്ങളിലെ കഥാപാത്രങ്ങളിലൂടെ മലയാളികള്ക്ക് പ്രിയങ്കരനായ അഭിഷേക് നായക കഥാപാത്രമായി എത്തുന്നുവെന്ന പ്രത്യേകതയും ബിഹൈന്റിനുണ്ട്. റെജിമോന് കപ്പപ്പറമ്പില് നിര്മ്മിക്കുന്ന വെബ് സീരിസ് സംവിധാനം ചെയ്തിരിക്കുന്നത് പൊറിഞ്ചു മറിയം ജോസില് സംവിധായകന് ജോഷിയുടെ സഹായിയായി പ്രവര്ത്തിച്ച നിതീഷ് നാരായണനാണ്. സീരിസിന്റെ തിരക്കഥ സുധീഷ് മോഹന്. എംഎക്സ് പ്ലെയറിലൂടെയാണ് വെബ് സീരീസ് സ്ട്രീം ചെയ്യുന്നത്.
സസ്പെന്ഷനിലായ ഒരു പോലീസുദ്യോഗസ്ഥന്റെ ജീവിതത്തില് രണ്ട് ദിവസം സംഭവിക്കുന്ന പ്രശ്നങ്ങളുടെ പശ്ചാത്തലത്തിലാണ് വെബ് സീരിസ് ഒരുക്കിയിരിക്കുന്നത്. ചിത്രത്തിലെ കേന്ദ്രകഥാപാത്രമായ സാം എന്ന പൊലീസുദ്യോഗസ്ഥനായിട്ടാണ് അഭിഷേക് രവീന്ദ്രന് അഭിനയിച്ചിരിക്കുന്നത്. അഭിഷേക് രവീന്ദ്രനൊപ്പം അഖിലേഷ് ഈശ്വര്, ബിസ്മി, അമൃത വിജയ്, ഡിസ്നി, പ്രവീണ്, മിഥുന് എബ്രഹാം, അര്ച്ചന, അല്ഫോന്സാ ജോസഫ്, തുടങ്ങി നിരവധി താരങ്ങള് അണിനിരക്കുന്നു
