സിയോൾ
കൊറിയ ബാഡ്മിന്റൺ ഓപ്പൺ ചാമ്പ്യൻഷിപ്പിൽ ഇന്ത്യയുടെ പി വി സിന്ധുവും കിഡംബി ശ്രീകാന്തും ക്വാർട്ടറിൽ കടന്നു. സിന്ധു ജപ്പാന്റെ അയാ ഒഹോറിയെ 21–-15, 21–-10ന് തോൽപ്പിച്ചു. തായ്ലൻഡ് താരം ബുസാനനാണ് അടുത്ത എതിരാളി. പുരുഷ സിംഗിൾസിൽ ശ്രീകാന്ത് ഇസ്രയേൽ താരം സിബർമാനെ 21–-18, 21–-16ന് കീഴടക്കി.
പുതിയ പ്രതീക്ഷകളായ ലക്ഷ്യസെന്നിനും മാളവിക ബൻസോദിനും അടിതെറ്റി. ലക്ഷ്യസെൻ ഇന്തോനേഷ്യയുടെ ഷിസർ ഹരിണിനോട് 20–-22, 9–-21ന് പരാജയപ്പെട്ടു. മാളവിക തായ്ലൻഡ് താരം പോൺപവിയോട് തോറ്റു.
