കളംനിറഞ്ഞ്‌ എംബാപ്പെ ; മെസിക്കും നെയ്‌മറിനും ഗോൾ

പാരിസ്
ഫ്രഞ്ച് ലീഗിൽ കിലിയൻ എംബാപ്പെയുടെ മിന്നുംപ്രകടനം. ലോറിയെന്റിനെതിരെ രണ്ട് ഗോൾ നേടിയ എംബാപ്പെ മൂന്നെണ്ണത്തിന് അവസരവുമൊരുക്കി. 5–1നായിരുന്നു പിഎസ്ജിയുടെ ജയം. നെയ്മർ ഇരട്ടഗോൾ നേടിയപ്പോൾ ഒരെണ്ണം ലയണൽ മെസിയുടെ പേരിലാണ്.
ഒന്നാംസ്ഥാനത്ത് 12 പോയിന്റ് ലീഡായി പിഎസ്ജിക്ക്. കഴിഞ്ഞമാസം മൊണാകോയോട് മൂന്ന് ഗോളിനാണ് പിഎസ്ജി തോറ്റത്.