രവി തേജ, വംശീ, അഭിഷേക് അഗർവാൾ ആർട്സും ചേർന്നൊരുക്കുന്ന പാൻ ഇന്ത്യൻ ചിത്രം ടൈഗർ നാഗേശ്വര റാവുവിന്റെ പ്രീ-ലുക്ക് പുറത്ത്. വംശി സംവിധാനം ചെയ്യുന്ന ടൈഗർ നാഗേശ്വര റാവുവിലൂടെയാണ് മാസ് മഹാരാജ രവി തേജയുടെ പാൻ ഇന്ത്യൻ സിനിമാപ്രവേശം. നിർമ്മാതാവ് അഭിഷേക് അഗർവാളിന്റെ അഭിമാന പ്രോജക്റ്റാണ് അഭിഷേക് അഗർവാൾ ആർട്സിന് കീഴിൽ ഉയർന്ന ബജറ്റിൽ ഒരുക്കുന്നത്.
ഉഗാദി ദിനമായ ഏപ്രിൽ 2നാണ് മോഷൻ പോസ്റ്ററിനൊപ്പം ചിത്രത്തിന്റെ പ്രീ ലുക്ക് പോസ്റ്ററും പുറത്തുവിട്ടിരിക്കുന്നത്. ജിവി പ്രകാശ് കുമാറിന്റെ മനോഹരമായ പശ്ചാത്തല സംഗീതമാണ് മോഷൻ പോസ്റ്ററിന്റെ ആകർഷണം. മികച്ച ദൃശ്യ നിലവാരവും പുലർത്തുന്നതാണ് പോസ്റ്റർ. ടൈഗർ നാഗേശ്വര റാവുവിന്റെ ലോഞ്ചിംഗ് മദാപൂരിലെ എച്ച്ഐസിസിയിലെ നോവാടെലിൽ നടന്നിരുന്നു. ചടങ്ങിൽ മുഖ്യാതിഥിയായി മെഗാസ്റ്റാർ ചിരഞ്ജീവി പങ്കെടുത്തു. തെലുങ്ക്, തമിഴ്, കന്നട, മലയാളം, ഹിന്ദി ഭാഷകളിലായാണ് ചിത്രം ഒരുങ്ങുന്നത്.
ചിത്രത്തിനായി ആർ മാദി ഐഎസ്സി ഛായാഗ്രഹണവും ജിവി പ്രകാശ് കുമാർ സംഗീതവും നിർവ്വഹിക്കുന്നു. അവിനാഷ് കൊല്ലയാണ് പ്രൊഡക്ഷൻ ഡിസൈനർ. സംഭാഷണം ഒരുക്കിയിരിക്കുനത് ശ്രീകാന്ത് വിസയും സഹനിർമ്മാതാവ് മായങ്ക് സിംഘനിയയുമാണ്. അഭിനേതാക്കൾ: രവി തേജ, നൂപുർ സനോൺ, ഗായത്രി ഭരദ്വാജ് തുടങ്ങിയവർരചന, സംവിധായകൻ: വംശി നിർമ്മാതാവ്: അഭിഷേക് അഗർവാൾ ബാനർ: അഭിഷേക് അഗർവാൾ ആർട്സ് അവതാരകൻ: തേജ് നാരായൺ അഗർവാൾ സഹ നിർമ്മാതാവ്: മായങ്ക് സിംഗാനിയ സംഭാഷണം: ശ്രീകാന്ത് വിസ സംഗീത സംവിധായകൻ: ജി വി പ്രകാശ് കുമാർ, പ്രൊഡക്ഷൻ ഡിസൈനർ: അവിനാഷ് കൊല്ല പിആർഒ: ആതിര ദിൽജിത്ത്.
