കീവ്> ഉക്രയ്നിലെ ബുച്ചയിലുള്ള പള്ളിയില് 45 അടിയോളം നീളത്തിലുള്ള ട്രഞ്ചുകളില് വലിയ കുഴിമാടങ്ങള് കണ്ടെത്തി. ബുച്ച ടൗണില് നിന്നും റഷ്യന് സൈന്യം പിന്മാറിയതിന് പിന്നാലെയാണ് വലിയ പ്രദേശത്ത് ശവങ്ങള് കൂട്ടിയിട്ടത് കാണാനായത്.
മാക്സര് ടെക്നോളജിയാണ് ഉക്രയ്ന്റെ സാറ്റ്ലൈറ്റ് ദൃശ്യങ്ങള് പകര്ത്തിയത്. ശവങ്ങള് കൂട്ടിയിട്ടിരിക്കുന്നുവെന്ന് ഇതിലൂടെ കണ്ടെത്തുകയായിരുന്നു.
അതേസമയം, കൂട്ടക്കൊലകള് നടത്തിയെന്ന ഉക്രയ്ന് വാദത്തെ റഷ്യ നിഷേധിച്ചു . പ്രകോപനമുണ്ടാക്കാനാണ് ഉക്രയ്ന് ശ്രമമെന്നായിരുന്നു റഷ്യന് പ്രതികരണം.
