കൊച്ചി> ഒരുത്തീ സിനിമയുടെ പ്രചരണാര്ഥം നടന്ന പത്രസമ്മേളനത്തിനിടെ മാധ്യമപ്രവര്ത്തകയ്ക്കെതിരെ നടത്തിയ പരാമര്ശത്തില് ഖേദം പ്രകടിപ്പിച്ച് നടന് വിനായകന്. തന്റെ ഭാഷാ പ്രയോഗത്തില് വിഷമം നേരിട്ടതില് മാധ്യമപ്രവര്ത്തകയോട് ക്ഷമ ചോദിക്കുന്നതായും വിനായകന് ഫേസ്ബുക്കില് കുറിച്ചു.
‘നമസ്കാരം, ഒരുത്തീ സിനിമയുടെ പ്രചരണാര്ഥം നടന്ന പത്രസമ്മേളനത്തിനിടെ ചില സംസാരത്തില്
ഞാന് ഉദ്ദേശിക്കാത്ത മാനത്തില് മാധ്യമ പ്രവര്ത്തകയായ ഒരു സഹോദരിക്ക് എന്റെ ഭാഷാപ്രയോഗത്തിന്മേല് (ഒട്ടും വ്യക്തിപരമായിരുന്നില്ല),വിഷമം നേരിട്ടതില് ഞാന് ക്ഷമ ചോദിക്കുന്നു’-വിനായകന് ഫേസ്ബുക്കില് വിശദീകരിച്ചു.
‘എന്റെ ലൈഫില് ഞാന് പത്ത് പെണ്ണുങ്ങള്ക്കൊപ്പം സെക്സ് ചെയ്തിട്ടുണ്ട്. ഈ പത്ത് പേരോടും ഞാന് തന്നെയാണ് ചോദിച്ചത് നിങ്ങള്ക്കിതിന് താത്പര്യമുണ്ടോ എന്ന്. നിങ്ങള് പറയുന്ന മീ ടൂ ഇതാണെങ്കില് ഞാന് ഇനിയും ചോദിക്കും. എനിക്ക് വേറെ ആര്ക്കെങ്കിലുമൊപ്പം സെക്സ് ചെയ്യണമെന്ന് തോന്നിയാല് ഞാന് ഇനിയും ചോദിക്കും.ഇതാണോ നിങ്ങള് പറഞ്ഞ മീ ടൂ? ഇതല്ലെങ്കില് എന്താണ് നിങ്ങള് പറയുന്ന മീ ടൂ? നിങ്ങളെനിക്ക് പറഞ്ഞ് താ’- എന്നായിരുന്നു വിനായകന് കഴിഞ്ഞ ദിവസം പറഞ്ഞത്.
ഇതിനെതിരെ വിവിധ മേഖലയില് നിന്നും രൂക്ഷ വിമര്ശനമാണ് ഉയര്ന്നത്.തുടര്ന്നാണ്
സമൂഹമാധ്യമങ്ങളിലൂടെ ഇപ്പോള് നടന് മാപ്പ് പറഞ്ഞിരിക്കുന്നത്.
