കോഴിക്കോട്‌ ബിജെപിയുടെ കെ റെയിൽ വിരുദ്ധ യാത്രയിൽ പങ്കെടുത്ത്‌ ലീഗ്‌ നേതാവ്‌ ടി ടി ഇസ്‌മയിൽ; പൊന്നാട അണിയിച്ച്‌ സ്വീകരണം

കോഴിക്കോട് > ബിജെപിയുടെ കെ റെയിൽ വിരുദ്ധ ജാഥയിൽ പങ്കെടുത്ത് സ്വീകരണം ഏറ്റുവാങ്ങി ലീഗ് നേതാവ്. മുതിർന്ന ലീഗ് നേതാവ് ടി ടി ഇസ്മയിലാണ് കോഴിക്കോട് നടന്ന ബിജെപി ജാഥയിൽ പങ്കെടുത്തത്. ജാഥയ്ക്കെത്തിയ ഇസ്മയിലിനെ ബിജെപി ജില്ലാ പ്രസിഡൻ്റ് വി കെ സജീവൻ പൊന്നാടയണിയിച്ച് സ്വീകരിച്ചു. മുസ്ലീംലീഗ് മുൻ ജില്ലാ ട്രഷറർ ആണ് ഇസ്മയിൽ. യുഡിഎഫ് ഭരണ കാലത്ത് പിഎസ്സി അംഗവുമായിരുന്നു. കല്ലായിയിൽ ഉൾപ്പെടെ കോൺഗ്രസ്- ലീഗ്-ബിജെപി സംയുക്തമായാണ് സമരം നടത്തുന്നത്.