ന്യൂഡല്ഹി> അര്ധരാത്രിയില് നോയിഡയിലെ റോഡിലൂടെ നിര്ത്താതെ ഓടുന്ന കൗമാരക്കാരന് സമൂഹമാധ്യമങ്ങളില് വൈറലാകുന്നു. ഉത്തരാഖണ്ഡിലെ അല്മോഡ സ്വദേശി പ്രദീപ് മെഹ്റയാണ് ബാഗും തോളത്തിട്ട് നിര്ത്താതെ തന്റെ ഓട്ടം തുടരുന്നത്. സംവിധായകനും എഴുത്തുകാരനുമായ വിനോജ് റായ് ട്വിറ്ററിലൂടെ
പ്രദീപിന്റെ ഓട്ടവും കഥയും പുറം ലോകത്തെ അറിയിക്കുകയും ചെയ്തു
പട്ടാളത്തില് ചേരാനാണ് താന് ഓടി പരിശീലിക്കുന്നത് എന്നാണ് പ്രദീപ് നല്കുന്ന മറുപടി.വീഡിയോ സാമൂഹിക മാധ്യമങ്ങളില് പങ്കുവെച്ച് നിമിഷങ്ങള്ക്കകം ലക്ഷക്കണക്കിനാളുകളാണ് കണ്ടത്. പത്ത് കിലോമീറ്ററാണ് താന് ദിവസവും രാത്രി ഓടുന്നതെന്നും പ്രദീപ് റായോട് പറഞ്ഞു. കാറില് കയറു,വീട്ടിലെത്തിക്കാമെന്ന വാഗ്ദാനവും പ്രദീപ് നിരസിച്ചു. ഒരുമിച്ച് ഭക്ഷണം കഴിക്കാമെന്ന വാഗ്ദാനത്തിന്, അങ്ങനെയെങ്കില് തന്റെ സഹോദരന് പട്ടിണിയാകുമെന്നും പ്രദീപ് പറഞ്ഞു. സെക്ടര് 16-ലെ മക്ഡൊണാള്ഡ്സിലെ ജീവനക്കാരനാണ് പ്രദീപ്.
രാവിലെ ഓടിക്കൂടെ എന്ന വിനോദിന്റെ ചോദ്യത്തിനും പ്രദീപിന് മറുപടിയുണ്ട്. രാവിലെ ഭക്ഷണം പാകംചെയ്യലും ജോലിക്കു പോകലും ഒക്കെയാവുമ്പോള് ഓടാന് നേരം കിട്ടില്ല. അമ്മയെ ആശുപത്രിയില് പ്രവേശിപ്പിച്ചിരിക്കുകയാണ്. മൂത്തസഹോദരനൊപ്പമാണ് താമസം. സെക്ടര് 16 മുതര് ബറോല വരെയാണ് ദിവസവും ഓടുന്നതെന്ന് പ്രദീപ് വ്യക്തമാക്കി
