ഭുവനേശ്വര്> ഒഡീഷയില് ബിജെഡി എംഎല്എ ജനക്കൂട്ടത്തിനിടയിലേക്ക് കാര് ഇടിച്ചുകയറ്റി. പൊലീസുകാരടക്കം നിരവധി പേര്ക്ക് പരിക്കേറ്റു. ചിലിക്ക എംഎല്എ ആയ പ്രശാന്ത കുമാര് ജഗ്ദേവ് ആണ് തന്റെ ആഡംബര കാര് ജനക്കൂട്ടത്തിലേക്ക് ഓടിച്ചുകയറ്റിയത്.
പ്രതിപക്ഷ പാര്ട്ടി പ്രവര്ത്തകരുമായുള്ള തര്ക്കത്തിന് പിന്നാലെയാണ് ഇയാള് കാര് ഇടിച്ചുകയറ്റിയത്. പഞ്ചായത്ത് സമിതി ചെയര്മാന് സ്ഥാനത്തേക്കുള്ള തെരഞ്ഞെടുപ്പിനിടെയാണ് സംഭവം. തന്റെ വഴി തടയാന് ശ്രമിച്ചാല് വാഹനം കൊണ്ട് ഇടിക്കുമെന്ന് എംഎല്എ ഭീഷണിപ്പെടുത്തിയതായി പൊലീസ് പറഞ്ഞു.എംഎല്എ കസ്റ്റഡിയിലാണെന്നും കേസെടുക്കുമെന്നും പൊലീസ് അറിയിച്ചു.
പ്രശാന്തിനെ പാര്ട്ടിയില് നിന്ന് സസ്പെന്ഡ് ചെയ്തിരുന്നതായി നേതൃത്വം അറിയിച്ചു.
