തിരുവനന്തപുരം: സംസ്ഥാനത്ത് ഇന്ന് 2190 പേര്‍ക്ക് കൊവിഡ് സ്ഥിരീകരിച്ചു. കൊവിഡ് 19 മൂന്നാം തരംഗം കെട്ടടങ്ങുന്നതിൻ്റെ ഭാഗമായി കൊവിഡ് കേസുകള്‍ തുടര്‍ച്ചയായി കുറയുന്ന പശ്ചാത്തലത്തിലാണ് പുതിയ കണക്കുകള്‍ പുറത്തു വരുന്നത്. 24 മണിക്കൂറിനിടെ 32497 പരിശോധനകള്‍ നടത്തിയെന്നും 3 മരണങ്ങള്‍ സ്ഥിരീകരിച്ചെന്നും ആരോഗ്യമന്ത്രി വീണ ജോര്‍ജ് അറിയിച്ചു.
കേരളത്തിൽ നിലവിൽ വിവിധ ജില്ലകളിലായി 80,152 പേര്‍ നിരീക്ഷണത്തിലുണ്ടെന്നും ഇവരിൽ 1422 പേര്‍ മാത്രമാണ് ആശുപത്രികളിലുള്ളതെന്നുമാണ് ആരോഗ്യമന്ത്രി അറിയിച്ചിട്ടുള്ളത്. 214 പേരാണ് പുതുതായി ആശുപത്രിയിലതെത്തിയത്. നിലവിൽ സംസ്ഥാനത്തുള്ള 17,105 കൊവിഡ് കേസുകളിൽ 8.8 ശതമാനം പേര്‍ മാത്രമാണ് ആശുപത്രികളിലുള്ളതെന്നും ആരോഗ്യമന്ത്രി അറിയിച്ചു.
