കൊച്ചി
കോവിഡിൽ നിശ്ചലമായ സ്കൂൾ കലോത്സവവേദികൾക്ക് പുതുജീവൻ പകരാൻ പ്രാണ ഇൻസൈറ്റ് ഡിജിറ്റൽ ലേണിങ് ആപ്പുമായി സഹകരിച്ച് ദേശാഭിമാനി അക്ഷരമുറ്റം സംഘടിപ്പിക്കുന്ന വെർച്വൽ കലോത്സവത്തിന്റെ രജിസ്ട്രേഷൻ ബുധനാഴ്ച തുടങ്ങും. പ്രാണ ഇൻസൈറ്റ് ആപ്പിലൂടെയാണ് ചെയ്യേണ്ടത്. ഗൂഗിൾ പ്ലേസ്റ്റോറിൽനിന്ന് ഡൗൺലോഡ് ചെയ്ത് രജിസ്ട്രേഷൻ പേജിൽ കുട്ടിയുടെയും സ്കൂളിന്റെയും പേര്, ഫോൺ നമ്പർ, മത്സരിക്കുന്ന ഇനങ്ങൾ, സ്കൂളിലെ പ്രധാനാധ്യാപകന്റെ സാക്ഷ്യപത്രം എന്നിവ അപ്ലോഡ് ചെയ്യണം. അവസാനതീയതി മാർച്ച് 10. സാക്ഷ്യപത്രത്തിന്റെ മാതൃക ദേശാഭിമാനി വെബ്സൈറ്റിലുണ്ട്.
എൽപി, യുപി, ഹൈസ്കൂൾ, ഹയർ സെക്കൻഡറി വിഭാഗങ്ങളിലായി 12 ഇനങ്ങളിലാണ് ഓൺലൈൻ മത്സരം. ഒരാൾക്ക് അഞ്ച് ഇനത്തിൽ മത്സരിക്കാം. മത്സര വീഡിയോ അപ്ലോഡ് ചെയ്യേണ്ട തീയതി പിന്നീട് അറിയിക്കും.
പൊതുജനങ്ങൾക്ക് ഇഷ്ടപ്പെട്ട മത്സരാർഥിക്ക് വോട്ട് ചെയ്യാം. കൂടുതൽ വോട്ട് ലഭിക്കുന്നയാളാകും വിജയി. നാല് വിഭാഗങ്ങളിലെ 48 വിജയികൾക്ക് പ്രാണ ഇൻസൈറ്റ് ദേശാഭിമാനി അക്ഷരമുറ്റം ക്വിസ് മെഗാഫൈനലിന്റെ സമ്മാനദാനവേദിയിൽ സമ്മാനങ്ങൾ നൽകും. ഒന്നാംസ്ഥാനക്കാർക്ക് 50,000 രൂപയും ഫലകവും സർട്ടിഫിക്കറ്റുമാണ് സമ്മാനം.
