കണക്ക് ചോദിക്കാതെ ഒരു കാലവും കടന്നു പോകില്ലെന്ന രൂക്ഷ പ്രതികരണമാണ് എംഎൽഎയുടെ ഭാഗത്ത് നിന്നുമുണ്ടായത്. നിയമസഭാ തെരഞ്ഞെടുപ്പിൽ ചിലർക്കെങ്കിലും അപ്രീയമായ സ്ഥാനാർഥിയായിരുന്നിട്ടും താഴെത്തട്ടിലുള്ള സാധാരണ സഖാക്കളും ജനങ്ങളും കൂടെ നിന്നതോടെ ജയിക്കാനായി. കേരള നിയമസഭയിൽ കായംകുളത്തെ അഭിമാനപൂർവമാണ് താൻ പ്രതിനിധീകരിക്കുന്നതെന്നും എംഎല്എ വ്യക്തമാക്കി.
അമ്പലപ്പുഴ മണ്ഡലത്തിലെ വോട്ട് ചോർച്ച ചർച്ചയായപ്പോൾ കായംകുളത്തെ വോട്ട് ചോർച്ച എങ്ങും ചർച്ചയായില്ല. ഏറ്റവും കൂടുതൽ വോട്ട് ചോർന്നുപോയത് മണ്ഡലത്തിലാണ്. എനിക്കെതിരെ കുതന്ത്രം മെനഞ്ഞവർ പാർട്ടിയിലെ സർവ്വസമ്മതരായ് നടക്കുന്നതിൽ കഷ്ടം എന്നല്ലതെ എന്ത് പറയാൻ. 2001ൽ കമ്മ്യൂണിസ്റ്റ് പാർട്ടിയിലെ പൂർണ മെമ്പറായി പ്രവർത്തനം ആരംഭിച്ച തനിക്ക് എന്നും പാർട്ടിയോട് ഇഷ്ടം. കുതന്ത്രം മെനയുന്ന നേതാക്കന്മാരെ നിങ്ങൾ ചവറ്റുകുട്ടയിൽ ആകുന്ന കാലം വിദൂരമല്ലെന്നും പ്രതിഭാ എംഎല്എ പറഞ്ഞു.
നിയമസഭാ തെരഞ്ഞെടുപ്പിൽ ബോധപൂർവമായി തന്നെ തോൽപ്പിക്കാൻ മുന്നിൽ നിന്ന് നയിച്ച പ്രാദേശിക മാധ്യമ പ്രവർത്തകൻ
പാർട്ടി ഏരിയ കമ്മിറ്റി തീരുമാനപ്രകാരം ഹോസ്പിറ്റൽ മാനേജ്മെൻറ് കമ്മിറ്റിയിൽ വന്നത് ദുരൂഹമാണ്. ഏതെങ്കിലും നേതാക്കന്മാരാണ് ഈ പാർട്ടി എന്ന് ഞാൻ വിശ്വസിക്കുന്നില്ലെന്നും ഫേസ്ബുക്ക് പോസ്റ്റിലൂടെ എംഎംഎ തുറന്നടിച്ചു.
മുൻപും ഫേസ്ബുക്ക് പോസ്റ്റിലൂടെ ജില്ലാ നേതൃത്വത്തെയും ഡിവൈഎഫ്ഐ നേതൃത്വത്തെയും വിമർശിച്ച് യു പ്രതിഭാ രംഗത്തുവന്നിരുന്നു. സംസ്ഥാനത്ത് കൊവിഡ് കേസുകൾ ഉയർന്ന സമയത്താണ് ഡിവൈഎഫ് നേതൃത്വവും എംഎൽഎയും തമ്മിലുള്ള ബന്ധം കൂടുതൽ വഷളായത്. പ്രതിരോധ പ്രവർത്തനങ്ങൾക്ക് നേതൃത്വം നൽകാതെ എംഎൽഎ വീട്ടിൽ തന്നെ കഴിയുകയാണെന്ന ആരോപണത്തോട് രൂക്ഷമായ ഭാഷയിലായിരുന്നു പ്രതിഭയുടെ പ്രതികരണം. വൈറസുകളേക്കാൾ വിഷമുള്ള ചില മനുഷ്യവൈറസുകൾ സമൂഹത്തിലേക്കിറങ്ങിയിട്ടുണ്ട് എന്നായിരുന്നു എംഎൽഎ തിരിച്ചടിച്ചത്.
