കണ്ണൂരിലെ രാഷ്ട്രീയ കൊലപാതകം സംബന്ധിച്ച് ചോദ്യങ്ങളോട് റിപ്പോര്ട്ടര് ടിവി ചാനലിൽ പ്രതികരിക്കുകയായിരുന്നു സന്ദീപ് വാര്യര്. കണ്ണൂര് ജില്ലയിലെ രാഷ്ട്രീയ കൊലപാതകങ്ങളിൽ സിപിഎമ്മിന് വലിയ പങ്കുണ്ടെന്നും കൊലപാതക രാഷ്ട്രീയം തുടങ്ങി വെച്ചതു തന്നെ സിപിഎം ആണെന്നും സന്ദീപ് വാര്യര് ആരോപിച്ചു. സിപിഎമ്മിൻ്റെ കൊലപാതക രാഷ്ട്രീയം നിര്ബാധം തുടരുകയാണെന്നും ഇപ്പോള് സിപിഎമ്മിലെ ഗ്രൂപ്പുകള് പരസ്പരം ബോംബെറിഞ്ഞു കൊല്ലുന്ന സ്ഥിതിയിലെത്തിയെന്നും അദ്ദേഹം പറഞ്ഞു. വിവാഹവീട്ടിൽ നടന്ന ബോംബേറ് ഇതിൻ്റെ ഭാഗമാണെന്നായിരുന്നു സന്ദീപിൻ്റെ ആരോപണം.
Also Read:
ബിജെപി മാത്രമല്ല, മറ്റെല്ലാ പാര്ട്ടികള്ക്കെതിരെയും സിപിഎം കൊലക്കത്തി എടുക്കുന്നുണ്ടെന്നും അവര് ഇത് ഉപേക്ഷിക്കണമെന്നും സന്ദീപ് വാര്യര് ആവശ്യപ്പെട്ടു. ആര്എസ്എസിൻ്റെ ക്യാംപ് നടന്നതിനു ശേഷമാണ് കൊല നടന്നതെന്ന സിപിഎം ആരോപണം അദ്ദേഹം തള്ളി. രാജ്യത്ത് എല്ലാ താലൂക്കുകളിലും ആര്എസ്എസ് ക്യാംപ് നടക്കുന്നുണ്ട്. അവിടെയെല്ലായിടത്തും കൊലപാതകം നടക്കുന്നില്ല. ഈ ക്യാംപുകള് പരസ്യമയാണ് നടത്തുന്നത്. കൊലപാതകത്തിൽ സത്യസന്ധമായി അന്വേഷണം നടത്തി പ്രതികളെ പുറത്തു കൊണ്ടുവരണമെന്നും സന്ദീപ് വാര്യര് ആരോപിച്ചു.
Also Read:
ഇതിനു പിന്നാലെയായിരുന്നു ബിജെപി കൗൺസിലറായ ലിജേഷിൻ്റെ പ്രസംഗം പാര്ട്ടി തള്ളിപ്പറയാത്തത് എന്തുകൊണ്ടാണെന്ന് അവതാരകനായ നികേഷ് കുമാര് ചോദിച്ചത്. എങ്ങനെ കൈകാര്യം ചെയ്യണമെന്ന് അരിയാം എന്ന ബിജെപി നേതാവിൻ്റെ പരാമര്ശത്തെപ്പറ്റിയായിരുന്നു ചോദ്യം. എന്നാൽ നാട്ടിൻപുറത്ത് കശപിശ യുണ്ടാകുമ്പോള് പാര്ട്ടികള് പ്രകടനം നടത്തുമ്പോള് നേതാക്കള് നിങ്ങള് നടപടിയെടുത്തില്ലെങ്കിൽ കൈകാര്യം ചെയ്യും എന്നൊക്കെ പറയുന്നത് സാധാരണ ഗതിയിൽ കേരളത്തിൽ എല്ലായിടത്തും നടക്കുന്നതാണെന്നും അദ്ദേഹം പറഞ്ഞു. ഒരു കൊലപാതകം നടന്നാൽ പണ്ടെങ്ങോ നടന്ന ഒരു പ്രസംഗത്തിൻ്റെ വീഡിയോ പ്രചരിപ്പിക്കുന്നത് ശരിയല്ലെന്നും ഇങ്ങനെയാണെങ്കിൽ കേരളത്തിൽ എത്ര രാഷ്ട്രീയക്കാര്ക്കെതിരെ കേസെടുക്കേണ്ടി വരുമെന്നും അദ്ദേഹം ചോദിച്ചു.
