മുൻപ് 10, 12 ക്ലാസുകളിലെ വിദ്യാര്ഥികള്ക്ക് പൂര്ണതോതിൽ ക്ലാസ് തുടങ്ങിയിരുന്നെങ്കിലും മറ്റു ക്ലാസുകളുടെ പ്രവര്ത്തനം ഭാഗികമായിരുന്നു. എന്നാൽ സിബിഎസ്ഇ സ്കൂളുകള് അടക്കം ഇന്നു മുതൽ ഓഫ് ലൈൻ ക്ലാസുകള് തുടങ്ങും. എന്നാൽ നിലവിലെ സാഹചര്യത്തിൽ സ്കൂളിലെത്താൻ ബുദ്ധിമുട്ടുള്ള വിദ്യാര്ഥികള്ക്കായി ഓൺലൈൻ ക്ലാസുകള് തുടരുമെന്നാണ് അറിയിച്ചിട്ടുള്ളത്. വിദ്യാര്ഥികള്ക്ക് സ്കൂള് യൂണിഫോമോ ഹാജറോ നിര്ബന്ധമുണ്ടാകില്ലെന്നാണ് അറിയിപ്പ്. വിദ്യാര്ഥികള്ക്ക് ആശങ്കയുടെ ആവശ്യമില്ലന്ന് മന്ത്രി വി ശിവൻകുട്ടി കഴിഞ്ഞ ദിവസം പറഞ്ഞിരുന്നു.
Also Read:
പത്താം ക്ലാസിലെയും പന്ത്രണ്ടാം ക്ലാസിലെയും പാഠഭാഗങ്ങള് ഈ മാസം അവസാനത്തോടെ തീര്ക്കാനാണ് നീക്കം. ഇതിനു ശേഷം റിവിഷനു വേണ്ടി സമയം അനുവദിക്കും. ഏപ്രിലിലായിരിക്കും പൊതുപരീക്ഷകള് നടത്തുക. എസ്എസ്എൽസി, പ്ലസ് ടു പരീക്ഷകളുടെ പാഠഭാഗങ്ങളുടെ ഫോക്കസ് ഏരിയയിൽ വ്യത്യാസമുണ്ടാകില്ലെന്ന് വിദ്യാഭ്യാസ മന്ത്രി വി ശിവൻകുട്ടി അറിയിച്ചിരുന്നു. ശേഷം മോഡൽ പരീക്ഷയും നടക്കും. 1 മുതൽ 9 വരെ ക്ലാസുകളിലെ വിദ്യാര്ഥികള്ക്ക് മാര്ച്ച് വരെയായിരിക്കും ക്ലാസുണ്ടാകുക.
സ്കൂളുകള്ക്കു പുറമെ പ്രീ പ്രൈമറി ക്ലാസുകള്, ക്രഷുകള്, അംഗണവാടികള് തുടങ്ങിയവയും ഇന്നു മുതൽ പ്രവര്ത്തനം തുടങ്ങും. പനിയോ മറ്റു കൊവിഡ് 19 രോഗലക്ഷണങ്ങളോ ഉള്ളവര് സ്കൂളിലെത്തരുതെന്നാണ് ആരോഗ്യവകുപ്പ് മുന്നറിയിപ്പ് നല്കിയിട്ടുള്ളത്. നീണ്ട ഇടവേളയ്ക്ക് ശേഷം സ്കൂളിലെത്തുമ്പോള് ശാരീരികമായോ മാനസികമായോ ബുദ്ധിമുട്ടുണ്ടെങ്കിൽ തൊട്ടടുത്തുള്ള ആരോഗ്യപ്രവര്ത്തകരുമായി ബന്ധപ്പെടണം.ദിശ ഹെൽപ് ലൈൻ നമ്പറുകളിലോ ഇ സഞ്ജീവനി ഹെൽപ് ലൈൻ നമ്പറിലോ ബന്ധപ്പെടാം.
Also Read:
വിദ്യാര്ഥികളും അധ്യാപകരും മറ്റു സ്കൂള് ജീവനക്കാരും കൊവിഡ് 19 മാനദണ്ഡങ്ങള് കൃത്യമായി പാലിക്കണം. എന്തെങ്കിലും കൊവിഡ് 19 ലക്ഷണങ്ങളുണ്ടെങ്കിൽ ജീവനക്കാരും സ്കൂള് ബസ് ജീവനക്കാരും ജോലിയിൽ നിന്നു വിട്ടു നിൽക്കണം. കുട്ടികളെ സ്കൂളിൽ എത്തിക്കാനായി വരുന്ന മറ്റുള്ളവര്ക്കും ഇത് ബാധകമാണ്. അധ്യാപകരും മറ്റു ജീവനക്കാരും രണ്ട് ഡോസ് വാക്സിൻ സ്വീകരിച്ചിരിക്കണമെന്നും നിബന്ധനയുണ്ട്. 15 വയസിനു മുകളിൽ പ്രായമുള്ള എല്ലാ വിദ്യാര്ഥികളും രണ്ട് ഡോസ് വാക്സിൻ സ്വീകരിക്കാനാണ് നിലവിലെ നിര്ദശം.
അതേസമയം, ഇന്നലെ സംസ്ഥാനത്ത് 6757 പേര്ക്കാണ് കൊവിഡ് 19 സ്ഥിരീകരിച്ചത്. എറണാകുളത്ത് 1462 പേര്ക്കും തിരുവനന്തപുരത്ത് 750 പേര്ക്കും രോഗം സ്ഥിരീകരിച്ചു. 24 മണിക്കൂറിനിടെ 62,301 സാമ്പിളുകള് പരിശോധിച്ചപ്പോഴാണ് ഇത്രയധികം പേര്ക്ക് രോഗം സ്ഥിരീകരിച്ചത്. 632 പേരെ പുതുതായി ആശുപത്രിയിൽ പ്രവേശിപ്പിച്ചിട്ടുണ്ട്. കഴിഞ്ഞ മൂന്നാഴ്ചയിലധികമായി സംസ്ഥാനത്തെ പ്രതിദിന കൊവിഡ് കേസുകളുടെ എണ്ണത്തിൽ കുറവ് രേഖപ്പെടുത്തുന്നുണ്ട്.
