അടുത്ത തവണയും എൽഡിഎഫ് തന്നെ അധികാരത്തിലെത്തുമെന്ന് ഇപ്പോള് പറയാനാകില്ലെന്ന് അദ്ദേഹം പറഞ്ഞു. മുന്നണികള് മാറി മാറി ഭരണത്തിലെത്തുന്നതാണ് കേരളത്തിലെ പതിവ്. എന്നാൽ കഴിഞ്ഞ തവണത്തെ തെരഞ്ഞെടുപ്പിൽ 99 സീറ്റുകളിൽ വിജയിച്ചത് യാദൃശ്ചികമല്ലെന്നും അത് നിശ്ചയദാര്ഢ്യത്തിൻ്റെ ഫലമായി സംഭവിച്ചതാണെന്നും അദ്ദേഹം പറഞ്ഞു. മലയാള മനോരമയ്ക്ക് അനുവദിച്ച അഭിമുഖത്തിലായിരുന്നു മന്ത്രിയുടെ പ്രതികരണം. കൊച്ചിയിൽ സിപിഎം സംസ്ഥാന സമ്മേളനം നടക്കാനിരിക്കുന്ന സാഹചര്യത്തിലായിരുന്നു അദ്ദേഹം ഇക്കാര്യങ്ങള് പ്രതികരിച്ചത്.
Also Read:
ക്രമസമാധാന പാലനം അടക്കമുള്ള വിഷയങ്ങളിൽ വസ്തുത മനസ്സിലാക്കി കൊടുത്താൻ വിമര്ശനം അവസാനിക്കുമെന്ന് അദ്ദേഹം പറഞ്ഞു. സമ്മേളന സമയത്ത് ആണെങ്കിലും അല്ലെങ്കിലും അങ്ങനെ തന്നെയാണ് ചെയ്യുന്നതെന്നും തങ്ങൾക്ക് ഒന്നും മറച്ചു വെക്കാനില്ലെന്നും എം വി ഗോവിന്ദൻ പറഞ്ഞു. വിമര്ശനം പറ്റില്ലെന്നില്ലെന്നും സ്വതന്ത്രമായി ഇക്കാര്യങ്ങള് പങ്കുവെക്കുമെന്നും അദ്ദേഹം അറിയിച്ചു. അതേസമയം, സംസ്ഥാന സമ്മേളനത്തിനു ശേഷം ആഭ്യന്തരവകുപ്പിനായി മാത്രം പ്രത്യേകം മന്ത്രി വരാനുള്ള സാധ്യതയുണ്ടോ എന്ന ചോദ്യത്തിന് ഒരു സാധ്യതയുമില്ലെന്നായിരുന്നു അദ്ദേഹത്തിൻ്റെ പ്രതികരണം.
മുഖ്യമന്ത്രി പിണറായി വിജയനു പകരം ആഭ്യന്തര വകുപ്പ് കൈകാര്യം ചെയ്യാൻ പുതിയ മന്ത്രി എന്ന ചര്ച്ച പാര്ട്ടിയിൽ നടന്നിട്ടില്ലെന്നും ഇക്കാര്യം ആരും ആവശ്യപ്പെട്ടിട്ടില്ലെന്നും എം വി ഗോവിന്ദൻ പറഞ്ഞു. ഇതുപോലെ പല കാര്യങ്ങളും മാധ്യമങ്ങളിൽ വന്നിട്ടുണ്ടെന്നും ഇത് വസ്തുതാപരമാണെന്നു പറയാൻ കഴിയില്ലെന്നും മന്ത്രി കൂട്ടിച്ചേര്ത്തു.
Also Read:
തൃശൂര് സമ്മേളനത്തോടെ സിപിഎമ്മിലെ വിഭാഗീയതയുടെ കാലം കഴിഞ്ഞെന്നും നിലവിൽ സിപിഎം ഏകീകൃതമായാണ് മുന്നോട്ടു പോകുന്നതെന്നും അദ്ദേഹം പറഞ്ഞു. പാര്ട്ടിയും സര്ക്കാരും ഒറ്റക്കെട്ടായി മുന്നോട്ടു പോകുകയാണ്. ഈ വികാരം നേതാക്കളിലും സഖാക്കളിലുമുണ്ട്. ഇന്ത്യയുടെ നിലവിലെ അവസ്ഥയിൽ കമ്മ്യൂണിസ്റ്റ് പാര്ട്ടി കേരളത്തിൽ ഒരു ശക്തിയായി നിൽക്കണമെന്ന വികാരമുണ്ടെന്നും അദ്ദേഹം പറഞ്ഞു.
ജനങ്ങളുടെ ജീവിതം മെച്ചപ്പെടുത്താനും ഏറ്റവും പിന്നണിയിൽ നിൽക്കുന്ന മനുഷ്യനും ഗുണമേന്മയുള്ള ജീവിതം നയിക്കാൻ പ്രാപ്തിയുണ്ടാക്കാനും കഴിയുന്നുവെന്നതാണ് കേരളത്തിൻ്റെ പ്രത്യേകത. താഴേത്തട്ടിലുള്ളവരെ കൂടുതൽ പുരോഗതിയിലേയ്ക്ക് നയിക്കുക എന്നതാണ് പാര്ട്ടിയുടെ ലക്ഷ്യം. സിൽവര്ലൈൻ പദ്ധതി പരിസ്ഥിതി സൗഹൃദമാണ്. പദ്ധതിയുമായി മുന്നോട്ടു പോകും. ദേശീയപാതാ വികസനവും ഗെയിൽ പൈപ്പ് ലൈനും പോലെ അസാധ്യമെന്നു തോന്നുന്ന കാര്യങ്ങള് സാധിക്കാൻ എൽഡിഎഫ് സര്ക്കാരിനു കഴിഞ്ഞിട്ടുണ്ടെന്നും അദ്ദേഹം കൂട്ടിച്ചേര്ത്തു.
