ദാമോദരന് താമരപ്പിള്ളി ഫിലിംസിസിന്റെ ബാനറില് കെ. ടി. ദാമോദരന് നിര്മ്മിക്കുന്ന ‘ജാനകി’യുടെ ഷൂട്ടിങ്ങ് കേരളത്തിലും തമിഴ്നാട്ടിലുമായി പുരോഗമിക്കുന്നു. ശ്യാം ശങ്കരന് കൊരുമ്പാണ് ചിത്രത്തിന്റെ സംവിധായകന്
ജാനു, നളിനി, കീര്ത്തി എന്നു മൂന്നു സ്ത്രീ കഥാപാത്രങ്ങളെ കേന്ദ്രീകരിച്ചാണ് സിനിമ മുന്നോട്ടു പോകുന്നത്. നിഷ്കളങ്കരായ കര്ഷകര് മാത്രം താമസിക്കുന്ന കുറവന്മല എന്ന ഗ്രാമത്തിലെ ഒരു കുടുംബത്തില് നടക്കുന്ന സംഭവബഹുലമായ കഥാസന്ദര്ഭങ്ങളിലൂടെ ‘ജാനകി’ കടന്നു പോകുന്നുണ്ട്.
ചിത്രത്തിന്റെ കഥയും ശ്യാം ശങ്കരന് കൊരുമ്പിന്റേതാണ്. തിരക്കഥയും സംഭാഷണവും തയ്യാറാക്കിയിരിക്കുന്നത് ചീഫ് അസോസിയേറ്റ് ഡയറക്ടര് കൂടിയായ പി കെ ബിജുവാണ്.
ടോമിന് തോമസ്, ദാമോദരന്, ജോഷി പോള്, രാജീവ് മുല്ലപ്പിള്ളി, അഖില് ബാബു, സജീവ് കെ തണ്ടാശ്ശേരി, ദേവനന്ദന, അര്ച്ചന, എസ് പ്രിയ, ദേവിക, എന് എല് പ്രിയമോള്, ബിജി കാലിക്കറ്റ്, ഹര്ഷ തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
