ആലപ്പുഴ: പോലീസിനെതിരായ വിമർശനങ്ങൾ അംഗീകരിച്ച് ആലപ്പുഴ ജില്ലാ സമ്മേളനത്തിൽ മുഖ്യമന്ത്രി പിണറായി വിജയൻ. പോലീസിലെ കുഴപ്പക്കാരെ ശ്രദ്ധിക്കുമെന്നും അവർക്കെതിരേ കർശന നടപടി സ്വീകരിക്കുമെന്നും മുഖ്യമന്ത്രി ഉറപ്പുനൽകി.ജില്ലാ സമ്മേളനത്തിൽ പ്രതിനിധികൾ പോലീസിനെതിരേ നിരവധി വിമർശനങ്ങൾ ഉയർത്തിയിരുന്നു. ഇതിനെ തുടർന്നായിരുന്നുമുഖ്യമന്ത്രിയുടെ മറുപടി.
സിപിഐയെ ശത്രുതയോടെ കാണുന്ന സമീപനംപാടില്ലെന്നും മുഖ്യമന്ത്രി നിർദേശിച്ചു. ചില സ്ഥലങ്ങളിലെങ്കിലും അത്തരത്തിൽ സിപിഐയുമായി പ്രശ്നമുണ്ടാകുന്ന സാഹചര്യമുണ്ട്. അത് പൂർണമായും ഒഴിവാക്കി, അവരുമായി സൗഹൃദത്തിൽ പോകണമെന്നും മുഖ്യമന്ത്രി നിർദേശിച്ചു.
കുട്ടനാട് എംഎൽഎയെ നിയന്ത്രിക്കാൻ പോകേണ്ടെന്ന് മുഖ്യമന്ത്രി പറഞ്ഞു. കുട്ടനാട് എംഎൽഎ ഒട്ടും ജനകീയനായ വ്യക്തയായിരുന്നില്ലെന്നും ഘടക കക്ഷിയുടെ ആൾ എന്ന നിലയിലാണ് അദ്ദേഹത്തെ സ്വീകരിച്ചതെന്നും കഴിഞ്ഞ ദിവസത്തെ സമ്മേളന റിപ്പോർട്ടിൽ പറഞ്ഞിരുന്നു. ഇതിന് മറുപടിയായാണ് മുഖ്യമന്ത്രി ഇക്കാര്യം പറഞ്ഞത്.
ജില്ലയിൽ പാർട്ടിക്കുള്ളിലെ വിഭാഗീയത അവസാനിപ്പക്കണമെന്നും മുഖ്യമന്ത്രി പറഞ്ഞു.നേതാക്കളെ ചാരിനിൽക്കുന്ന പ്രവണത കർശനമായി അവസാനിപ്പിക്കണമെന്നും ഇല്ലെങ്കിൽ കടുത്ത നടപടിയുണ്ടാകുമെന്നും മുഖ്യമന്ത്രി വ്യക്തമാക്കി.
content highlighlights:CM Pinarayi Vijayan accepts criticism against police
